Aposel 8:29 - Saniyo-Hiyewe

²⁹ Sosu Owane Sitewi lo Hepene Wara'i a'i lai Filip ma'e apou eiye. “Ne wai ape ma'e ataheye teirire.”

Aposel 8:29 ပူးပေါင်းရင်းမြစ်များ

Aposel 10:19

Sosu Pita suwou hamehameyei toteteye su, Owane Sitewi lo Hepene Wara'i le ma'e apou eiye, “Saimon, Lu hesi heta ne ne ei aniye.

Aposel 11:12

Sosu Owane Sitewi lo Hepene Wara'i a'i ane ma'e apou eiye, ‘Ne fara'u lowe mase si ire.’ Sosu ane lu ereti feni werese feni ta'i ape mo (6), Jisas lo peri umasiteye ape, aiwawe fi. Nomo meni ape lo wesi papu wiye.

Aposel 21:11

Sosu le nomo ma'e henerai su, le Pol lo lire wafei aniye. Sosu le ereti lowe topo lo lire wafei sahe ti tawesiteye. Sosu le apou eiye, “Owane Sitewi lo Hepene Wara'i a'i apou eisiya, ‘Juda lo lu tamo meni ape lire wafei eite ani asiteye ape, aiwawe a'i ti tawesirowa. Sosu lowe meni ape awei lo lu owane tere'e ma'e heneti.’”

Aposel 28:25

Lu taune tere'e tamo marepi tere'e tere'e toteteye. Sosu Pol peri ta lowe ma'e te'e, “Owane Sitewi lo Hepene Wara'i a'i ya'ariyei nomo lo ma'e Owane Sitewi lo au te'e siye meni, Aisaia, ahi lo se peri wiyeme a'i apou au te'eye,

Aposel 8:26

Sosu a'i pe Meni Owane Pefine lo ipari wisere a'i Filip ma'e apou eiye, “Ne yo mai ta fau ma'e itori. Yo mai ape lu ariye a'i ne. Yo mai ape lowe omo Jerusalem arunatiyewe, omo Gasa sahe itorai.”

Aposel 8:28

Sosu omo topo lo si tame iteye su, le wai tere'e ta awei pani ma'e uweisiya ape, sahe onuwe. Le Owane Sitewi lo one towe sahe siye te'eteye. One towe ape sahe le Owane Sitewi lo au te'e siye meni, Aisaia, lo peri au siye te'eye.

Aposel 8:30

Sosu a'i pe Filip wai ape ma'e ataheye teirai. Iteroti su, le meni ape, peri siye te'eye ape, wanuwe. Le Owane Sitewi au te'e siye meni, Aisaia lo peri siye te'eye. Sosu Filip le ma'e apou ei toweriye, “Ne peri eite lo sitewi wanu so'oruwesiya awere? Piyete awere?”

Aposel 8:39

Sosu lowe sa'i arunati su, Meni Owane Pefine a'i lo Hepene Wara'i a'i, le Filip hene itero po'utenati. Sosu meni owane ape Filip tame siyeye ta'ame. Sosu le wai papu wi atowe su, omo topo lo marepi erasi a'i si tame wisereye nine'iti.

1 Korin 12:11

Peri ano wanure. Owane Sitewi lo Hepene Wara'i ta'i a'i ne. Le a'i lai kairefiyeyei tere'e tere'e lo nomo ta'i ta'i a'i ma'e auwei. Le nomo ma'e kairefi lo nonetiyei su, le marepi topo lo umasiteyei.

1 Timoti 4:1

Sosu a'i pe Owane Sitewi lo Hepene Wara'i a'i apou te'e areiyeye, “Nowe me'iye su lu taune tamo Owane Sitewi lo marepi ne tote arosawirowa. Sosu lowe sepei luwaru a'i tamo peri wawero te'esiya ape, wanurowa. Sosu lowe Satan lo sepei luwaru a'i lo marepi umasinamirowa.”

Hibru 3:7

Sosu serai nomo Owane Sitewi lo Hepene Wara'i a'i lo peri fa wanu umasite. Le nomo ma'e apou eisiya, “Fene pereye nowe eite se, Owane Sitewi lo peri wanuwei su, fene marepi kairefi a'i owe ape totete. Tu naifa weriyei Israel lo lu tewi, ya'ariyei fene lo, lowe Owane Sitewi lo peri werese arisiteye. Fene yo seni luwaru a'i lowe lo ape owe ape umasite. Lowe omo pani foro'o a'i sahe iroteye su, lowe Owane Sitewi ne apou toteye, ‘Wanure! Owane Sitewi kairefi se ta'ama. Nomo peri lo arisiyei su, le nomo ma'e etiri luwaru a'i ta itiya'u aurowata.’” Kis 17:7; Nam 20:2-5