Aposel 7:60 - Saniyo-Hiyewe60 Sosu le lowe uporo ape'i onuwewe, sosu le apou hareye, “Meni Owane Pefine a'i, ne yo seni luwaru a'i lowe lo au ani sasari pamowere.” Sosu le peri ape tepa'asiye su, le temeniyeye. အခန်းကိုကြည့်ပါ။ |
Lowe Jisas lo me tape'i sineye su, Jisas Owane Sitewi ma'e peri ta apou te'eye, {“Tai ano, lu eite mo, lowe etiri, lowe irowe ape, lowe so'oru ta'ama. Ne fara'u yo seni luwaru a'i lowe lo marepi no papu owe ape tote anite tawesire.”} Jisas Owane Sitewi ma'e au te'eye su, ai lu tamo Jisas unahi awei sato tapiye oso a'i ani fu arosawi. Tapiye ta'i a'i ai lu ta Jisas lo ipari tahe aniyei ne ariariyeye. Ai lu tere'e tere'e ipari tahe tere'e tamo lo erei noneye.
Wanure. Ane peri fareyare a'i ta fene ma'e au te'e areiyesiya. Lu taune tamo lowe temeniye tepa'asiye. Sosu Jisas Krais si tame itorairowa su, nomo tewi a'i sato ironamirowa. Nomo temeniyerowa su, nomo sato ironamirowa su, nomo so'oru ta'ama. Ahowa, nomo temeniyerowa su, nomo tahe pa'are he'i a'i anirowa. Nomo sato ironamirowa su, nomo aiwawe a'i tahe pa'are he'i a'i anirowa.
Lowe apou te'erowa, “Krais lai peri te'e naneiyei ta lu taune ma'e au te'eye. Le apou au te'eye, ‘Nowe me'iye su ane meni ta hi awei ma'e si tame itorairowa.’ Lowe apou ei towerisiya. ‘Eiwerou su meni ape itorairowa awere? Krais lai peri wawero nomo ma'e au te'eye. Meni ape hi awei ma'e itorairowata. Tu naifa weriyei Owane Sitewi awei etiri werese au ta'aneye. Nowe mo'o ape se Owane Sitewi lai wiyawi werese ani ta'ame. Sosu pereye nowe eite se awei aite werese nomo lo temeniyeye ape, le aiwawe a'i wiyawi ta'ane ta'ame.’”