Aposel 2:20 - Saniyo-Hiyewe

²⁰ Poweiye lai hire sahe pasi wou henerairowa. Yame, ni'arawe hire sahe irosiya ape, lo'u a'i fisa'i wou henerairowa. Fene etiri werese ape mo siyerowa su, ane, Meni Owane Pefine a'i siye so'oruwerowa, nowe ano aiyeyei ataheyewa.

Aposel 2:20 ပူးပေါင်းရင်းမြစ်များ

Matyu 24:29

“Fene peri ano wanure! Nowe orese fofowei luwaru erasi a'i tepa'asirowa su, witane a'i poweiye ape pasi a'i henerairowa. Yame lo mi aiwawe a'i po'uterowa. Eiwariyemi werese ni'arawe ma'e winetairairowa. Etiri werese, hire ma'e ironamirowa ape erasi a'i auserinamirowa.” Ais 13:10; 34:4

Matyu 27:45

Sosu a'i pe poweiye ponei se nowe pasi a'i ito henerai, awei pani werese napetuwe. Sosu poweiye neriwei aiwawe a'i se pasi po'uteye. Nowe neriwei aiwawe a'i poweiye si tame tewi mitaiye fiyarirai.

Krais lo Peri Heneruwe, Mak leseteye ape ne 13:24

Sosu a'i pe Jisas apou au te'eye, “Nowe orese fofowei luwaru erasi a'i ape po'uterowa su, nowe ape se poweiye mi pasi wou henerairowa. Yame lo mi tewi mitaiyerowata.

Jisas Krais lo Peri Heneruwe, Luk leseteye ape ne 21:25

Nowe ape henerairowa su, etiri luwaru a'i tomu ne'ese poweiye, yame, eiwariyemi sahe henerairowa. Lu taune werese awei sahe irorowa ape, lowe etiri ape mo siyerowa su, lowe marepi erasi a'i atoweiyerowa. Lu taune sa'i ei erasi siyerowa su, sosu sa'i ei no'u erasi wanurowa su, lowe eiwerou ma'e atoweiye irowata.

Aposel 2:19

Ane etiri kairefi erasi pefine a'i ni'arawe hire ma'e au iro ta'anerowa. Sosu ane wiyawi erasi pefine a'i hi awei sahe au iro ta'anerowa. Lu taune werese kairefi ano siyerowa. Nowe ape se meni fisa'i tomu ne'ese hi awei ma'e ani teroso itorairowa. Yehe erasi, sosu yehe itomu ne'ese a'i hi awei ma'e itorairowa.

Aposel 2:21

Serai lu taune werese Meni Owane Pefine a'i ne ei anisiya ape, le lai lowe werese hire hene ta'ane wirowa. Lowe mi mi pasi pasi weriyei Owane Sitewi mase ironamitorowa.’ Jol 2:28-32 Owane Sitewi lo au te'e siye meni Joel apou te'eteye.”

1 Korin 5:5

“Ne sepei Satan lo yo seni umasinamiteye su, ne le ma'e ire.” Le tahe pa'are no aine tera'e po'uteyei. Sepei Satan le ma'e fofowei erasi au irowei su, le yo seni luwaru a'i lo me'iyeni ma'e atati aruwei. Serai nowe ye'ewi se, Jisas Krais si tame itorairowa su, le marepi hepene he'i a'i meni ape ma'e aurowa.

1 Tesalonaika 5:2

Wiyeme a'i fene ta'u nowe eite se, Jisas si tame itorairowa ape, eresene a'i ta'arei meni wou a'i wesi ta sahe eresene a'i toso wiyei su, etiri tamo ta'arei anirowa.

2 Pita 3:10

Peri ano wanure! Nowe Meni Owane Pefine a'i lu taune au hese ereirowa ape, witane a'i henerairowa. Apou wou a'i ta'arei meni ta pasi etiri fareyare ta'areiyei. Nowe ape henerairowa su, etiri werese ni'arawe hire ma'e irosiya ape, no'u erasi se perati po'uterowa. Sosu awei pani werese yehe ti sero'o po'uterowa. Awei pani werese, etiri werese awei sahe irosiya ape, ti sero'o po'uterowa.

2 Pita 3:7

Sa'i werese here foro'oweye su, Owane Sitewi apou eiye, “Ane lu taune werese sa'i se tame ani aporu temeniyerowata. Ahowa, etiri werese, hire ma'e irosiya ape, sosu etiri werese awei sahe irosiya ape, ane lai etiri werese ape mo yehe se taiso fu ti sero'o po'uterowa. Nowe ye'ewi su, ane lu taune werese yo seni luwaru a'i ironamiteye ape, yehe se etiri werese ape mo taiso fu ti sero'o po'uterowa.”

Kamapim Tok Hait 16:8

Sosu Owane Sitewi lo ipari ororu wahu lo poweiye ma'e ani teroso arosawi. Serai poweiye lo ai erasi a'i heneraiyewe, lu taune ma'e yehe se itomuwe.

Kamapim Tok Hait 6:12

Sosu a'i pe fe sipsip lo yene me unere lo fito moruwene ani erau fiyariye. Sosu ane awe erasi a'i awei sahe tei auseriye siyeye. Poweiye ape pasi wou henerai. Ipari tahe papa'u a'i fe meme lo towe ta'aneteye ape, wou a'i ne. Yame ape lo'u farufaru a'i henerai, fisa'i wou a'i ne.