Le mi mi weriyei lu taune werese ma'e topo le ne au te'e atuatunamisiya. Le etiri tomu ne'ese lu taune ne au ta'anenamiteye. Le sa'i fene ma'e hi awei sahe ausai. Le etiri werese, ta'aneyei awei irosiya ape, perati wiyei ne au iroteye. Le lu feni werese ma'e ayei tomu ne'ese auteye. Le marepi hepene lowe lo au fetaneye wisereyesiya. Serai lowe Owane Sitewi ne siye so'oruweteye.”
Aposel 17:27 - Saniyo-Hiyewe27 Owane Sitewi lo marepi apou totesiya. Lu taune werese le ma'e siye nehinamirowa. Lowe omo omo werese sahe le ma'e siye nehinamiteye. Lowe le siyerowa su, lowe le ne umasinamirowa. Le nomo werese atahe a'i ironamisiya. အခန်းကိုကြည့်ပါ။ |
Aposel 17:27
9 ပူးပေါင်းရင်းမြစ်များ
Serai lowe iyape ano ne tame tote tawesi umasirowa su, lu taune tewi tere'e tere'e, omo omo werese iroteye ape, lowe Meni Owane Pefine a'i siye nehirowa. Sosu lu tewi tere'e werese ane ne tote tawesi umasiyei ape, ane lowe werese lu feni pefine a'i ano au iro henerairowa. Ane Meni Owane Pefine a'i apou te'esiya.
Lu taune werese Owane Sitewi lo marepi werese siyerowata. Ahowa, tu naifa weriyei weriyei Owane Sitewi lai awei lo etiri ta'aneye su, nowe pereye eite se aiwawe a'i henerai su, lu taune werese awei lo etiri werese Owane Sitewi lai ta'aneye ape, siyeye. Lu taune awei lo etiri werese siyeye su, Owane Sitewi lai kairefi erasi lo mi mi weriyei weriyei ironamitorowa ape, sosu yo seni wara'i a'i lowe ma'e au atuatu areiyeye. Serai lowe apou te'erowata, “Ane yo seni luwaru se ta'ama. Ane Owane Sitewi Pefine so'oru ta'ama.” Wawero a'i tene! Lowe Owane Sitewi lo yo seni wara'i a'i siye tepa'asiye.
Fene eiwerou totesiya awere? Owane Sitewi lai fene ma'e yo seni wara'i a'i lo au atuatunamisiya. Le fene ne iyu menei tomu ne'ese ninawesiya. Sosu le fene ma'e fofowei erasi witane se a'i itiya'u au se ta'ame. Ahowa, le fene ne ninawenamisiya. Owane Sitewi lai yo seni wara'i a'i ironamisiya. Serai fene toteyei apou owe ape totere. “Owane Sitewi lai yo seni wara'i a'i ironamisiya su, le yo seni luwaru a'i ano fofowei erasi a'i ane ma'e itiya'u aurowata.” Ahowa, yo seni wara'i a'i nomo ma'e omo hire iyei yo ape au atuatusiya. Serai nomo werese yo seni luwaru a'i nomo lo me'iyeni ma'e atati arunatite! Sosu nomo Owane Sitewi lo peri werese tote umasinamite.
ကြော်ငြာတွေ