2 Timoti 3:2 - Saniyo-Hiyewe

² Lu taune tomu ne'ese marepi erasi a'i towafi lowe lo, tote wawesiyenamirowa. Lowe ma'aru ne erasi a'i totenamirowa. Iyape towafi lowe lo ei ani arowerowa. Lowe lu taune werese ma'e te'e naruterowa. Lowe ei ani arowerowa. Lowe tai, mai lowe lo peri arisinamirowa. Lowe lu taune ma'e au te'e wisereyerowata. Lowe yo seni towafi lo aseyaro irorowata.

2 Timoti 3:2 ပူးပေါင်းရင်းမြစ်များ

Matyu 15:6

Fene ya'ariyei lo yo peri ape wanu umasiteye, fene Owane Sitewi lo yo peri wiyeme a'i ani ararowe. Ya'ariyei fene lo, lo yo peri apou eiye, ‘Fene mai tai fene lo lo iyape owe ape ei ani arowere.’ Marepi fene lo se Owane Sitewi lo peri yahowa'i henerai.

Jisas Krais lo Peri Heneruwe, Luk leseteye ape ne 12:15

Sosu le lowe ma'e eiye, “Fene weiyai! Fene ma'aru lo marepi erasi a'i aniyei ne owe ape totenamite. Meni ta etiri tomu ne'ese ta'uwe aniyei su, marepi hepene papu lo wisereyerowata. Etiri tomu ne'ese ape mo marepi hepene pefine a'i irorowata.”

Jisas Krais lo Peri Heneruwe, Luk leseteye ape ne 16:14

Sosu a'i pe lu Farisi tamo, lowe ma'aru marepi erasi totenamisiya ape, lowe Jisas lo peri sato onu wanuteye. Lowe le ne peri luwaru a'i te'e naruteye.

Jisas Krais lo Peri Heneruwe, Luk leseteye ape ne 6:35

Ane fene ma'e eisiya. Lu taune tamo fene ma'e au luwaruweyei su, fene lowe ne marepi wisere a'i totenamire. Fene lowe ma'e etiri wisere a'i irore. Lowe fene ma'e etiri ta ei toweriyei su, fene lowe ma'e etiri ape aure. Sosu fene lowe ma'e itiya'u owe ape ei towerire. Fene yo seni ape umasiyei su, Owane Sitewi lai nowe ye'ewi se fene ma'e etiri wisere neri a'i aurowa. Fene Owane Sitewi Pefine a'i lo eimane henerairowa. Le a'i lai lu taune luwaru a'i ma'e ferafereiyei lo auwe. Le aiwawe a'i lu taune tamo, marepi luwaru a'i irosiya ape, ma'e ferafereiyei lo auwe.

Aposel 5:36

Tu naifa meni ta henerai, iyape Teudas, le apou eiye, ‘Ane meni erasi iyape se.’ Serai lu tomu ne'ese (400 aiwawe a'i) le mo'o umasiteye. Sosu lowe meni ape aine tera'eye su, lu feni lo atoweiye fiyariti. Lu feni lo atoweiye fiyariye su, wiyawi lo yahowa'i henerai!

Pol One Towe eite Omo Rom maꞌe Lese Ausawi 11:18

Serai me nei ape mo Owane Sitewi lai aine tou ani erateye ape, fene lowe ma'e owe ape te'e narute. Fene lowe ne te'e naruwei su, fene marepi ape totere. Fene hepene norohuwe ape, Owane Sitewi ma'e aurowata. Ahowa, Owane Sitewi lai hepene norohuwe a'i fene ma'e aunamisiya. Serai fene Israel lo lu tewi ape mo ma'e owe ape te'e narute.

2 Korin 5:15

Sosu le lu taune werese ne temeniyeye su, lowe, marepi hepene he'i a'i irosiya ape, marepi towafi lowe lo tote umasi ta'ame. Ahowa, lowe, meni ape, lowe ne temeniyeye ape, marepi lo tote umasinamite. Owane Sitewi lai meni ape si tame norohuwe hene ani sineye. Le Meni ape si tame hene norohuwe ani sineye su, le wiyawi ape lowe ne au ta'anesiya.

Filipai 2:21

Lu tewi tere'e tamo lowe etiri towafi lowe lo a'i au ani noweinoweiyei ne totesiya. Lowe Jisas Krais lo wiyawi au ta'ane te ta'ame.

Kolosi 3:5

Serai marepi hepene weriyei fene lo temeniyeye su, fene etiri yo seni luwaru werese a'i me'iyeni ma'e atati tote arunatite. Fene tafa'e yo seni luwaru a'i owe ape irote. Yo seni luwaru a'i owe ape irote. Marepi luwaru a'i owe ape totete. Etiri werese a'i owe ape siye wisereyete. Etiri werese ta'uwe aniyei ne owe ape totete. Lu taune yo etiri tomu ne'ese ta'uwe aniyei su, lowe god wawero a'i ma'e au wisereye nine'irowa.

2 Tesalonaika 2:4

God wawero towafi lowe lo lu taune au wisereyeye ape, meni ape lai Owane Sitewi werese ani fu arosawiyei. Aiwawe a'i le Owane Sitewi towafi lowe lo etiri ani fu arosawiyei. Sosu le apou eiyei, “Ane Owane Sitewi lo wesi wi onurowa. Ane Owane Sitewi lo me to'u sahe onurowa. Ane Owane Sitewi wiyeme a'i henerai tepa'asiyei.” Peri ape wawero a'i tene!

1 Timoti 1:20

Lu hesi etiri wisere a'i ape awera'iyenati. Lowesi lo iyape Himeneus, sosu aiwawe Aleksander. Ane lowesi sepei Satan lo kairefi ma'e ani arosawi. Serai lowesi etiri siye so'oruweyei su, lowesi Owane Sitewi ma'e te'e narurowata.

1 Timoti 1:9

Sosu a'i pe peri ano wanu etire. Owane Sitewi lo yo werese lu taune werese ma'e au te'e atuatuwei su, Owane Sitewi lo yo peri ape lu taune ma'e, yo seni wara'i a'i irosiya ape, au te'e ta'ame. Ahowa, Owane Sitewi lo yo peri werese lu taune ma'e au te'e atuatuwe su, lu taune yo peri werese me'iyeni ma'e atati aruwe ape, lu taune Owane Sitewi lo peri arisisiya ape, lu taune Owane Sitewi lo yo peri umasi ta'ame ape, lu taune yo seni luwaru a'i umasisiya ape, Owane Sitewi lo yo peri lowe ma'e au te'e atuatuwei. Sosu lu taune Owane Sitewi lo marepi tote tawesi ta'ame ape mo, Owane Sitewi lo yo peri werese lowe ma'e au te'e atuatuwei. Lu taune tai mai lowe lo aine tera'eye su, Owane Sitewi lo yo peri ape lowe ma'e au te'e atuatuwei. Sosu aiwawe lu taune, lu tere'e aine tera'eye, yo peri ape lowe ma'e au te'e atuatuwei.

1 Timoti 3:3

Meni ape sa'i meremereye a'i owe ape ate. Le a'i lai owe ape ai atu tiyatite. Ahowa, le lu taune werese ne marepi eresene a'i pei irote. Sosu aiwawe a'i lu taune ma'e ai peri owe ape te'e tiyatite. Le ma'aru werese topo lo erasi a'i owe ape totenamite.

1 Timoti 6:10

Sosu wanure! Lu taune ta ma'aru tomu ne'ese ta'uwe aniyei ne totesiya su, yo seni apou ape etiri luwaru a'i werese lo sitewi ne. Lu taune tamo ma'aru tomu ne'ese aniyei ne totesiya su, lowe Owane Sitewi lo marepi awera'iyenati. Sosu lowe Owane Sitewi lo marepi awera'iyenatiye su, lowe etiri luwaru a'i tahe pa'are lowe lo sahe fofowei erasi teriteye.

2 Timoti 3:4

Lowe te'e areare irorowa. Lowe marepi onota'ano a'i ne. Lowe marepi towafi lowe lo erasi a'i tote wawesiyerowa. Lowe awei lo yo seni erasi a'i toterowa. Ahowa, lowe Owane Sitewi lo marepi toterowata.

Jems 2:8

Owane Sitewi meni owane tutawe nomo lo one towe lo sahe peri wisere a'i ta apou te'esiya, “Fene lu taune werese marepi erasi a'i tote wawesiyenamite. Fene tahe pa'are fene lo tote wawesiyeyei wou a'i ne.” Wkp 19:18 Fene yo peri wisere a'i lo ape umasinamiyei su, fene yo seni wara'i a'i irowei.

Jems 4:16

Wanure! Pereye fene marepi kuseriyei fene lo au te'e fiyarisiya. Yo seni apou ape luwaru a'i tene.

Jems 4:6

Ahowa, le a'i lai nomo ma'e ferafereiyei lo erasi a'i aunamisiya. Owane Sitewi lo peri apou te'esiya, “Owane Sitewi lai lu taune werese ma'e marepi kuseriyei iroteye ape, ai atunamisiya. Ahowa, le a'i lai lu taune ma'e marepi towafi lowe lo hi ani fu ararosiya ape, ferafereiyei lo aunamisiya.” Snd 3:34

1 Pita 5:5

Ane yo'orei lu ma'e te'eyei, fene aiwawe a'i lu owane lo peri wanu umasite! Sosu fene werese marepi towafi lo ani fu arore! Fene kuseriye marepi fene lo erasi a'i owe ape totere! “Meni ta kuseriye marepi erasi a'i totenamiteyei su, Owane Sitewi lai meni ape hi ani fu arowei. Ahowa, lu taune tamo marepi towafi lowe lo ani fu arosiya ape, le marepi ferafereiyei lo lowe ma'e auwei.” Snd 3:34

2 Pita 2:10

Lu taune ape mo tafa'e yo seni mi mi werese ironamisiya su, Owane Sitewi lai ai marepi erasi a'i lowe ne totenamisiya. Aiwawe a'i lowe awei lu owane lo peri arisisiya ape, le lowe ne aiwawe a'i yehe omo ma'e ani fu arosawirowa. Lu taune ape mo apou a'i totesiya, “Owane Sitewi lo peri yahowa'i ne. Ane fara'u peri lo arisiyei.” Lowe marepi towafi lowe lo umasiyei su, lowe tafa'e yo seni mi mi pasi pasi ironamiyei. Lowe kuseriyei marepi totenamiteye. Lowe Owane Sitewi ne atoweiye ta'ame. Lowe Owane Sitewi lo ipari wisere a'i ma'e peri luwaru a'i te'e naruwei su, lowe Owane Sitewi ne atoweiye ta'ame.

2 Pita 2:12

Peri ano wanure! God wawero peri au te'e siye lu, lowe peri luwaru a'i au te'esiya su, lowe peri sitewi so'oru ta'ama. Lowe fe erauwe wou a'i ne. Lowe lu aiheiye a'i ne. Etiri ape Owane Sitewi lai lowe ma'e irorowa ape, apou wou a'i meni ta ipo ma'e iyei su lowe fe erauwe nehirowawe, eine se nei tera'e temeniyerowa. Aiwawe a'i le peri wawero au te'e siye lu werese a'i nehirowawe, lowe aine tera'e ererowa.

2 Pita 2:18

Lowe peri kuseriyei a'i lu taune ma'e peri ahi a'i se au te'esiya. Lowe lu taune lo marepi tafa'e yo seni ma'e tatai anisiya. Lowe lu taune au te'e pere'eye hawihawiyeteye. Lu taune ape mo tote tawesiyei lowe lo kairefi se ta'ame. Lowe he'i a'i se lu taune yo seni luwaru a'i me'iyeni ma'e atati arunatiteye ape, ahowa, lu tewi areareyei ape mo marepi lowe lo tatai aniteye.

2 Pita 2:3

Lu areare ape mo apou a'i totesiya, “Nomo ma'aru fene lo aniyei ne totesiya.” Lowe fene ma'e peri wawero, marepi topo lo sahe iroteye ape, au te'eyei su, lowe fene ma'e ma'aru ei aniyei. Tu naifa weriyei Owane Sitewi lai marepi apou ape siye so'oruwe tepa'asiye. Le yo seni lowe lo ne apou a'i te'eye. “Lowe yo seni luwaru a'i apou ape irowei su, ane lai yehe omo ma'e eimawe arosawirowa.” Nowe ye'ewi su, le lowe yehe omo ma'e eimawe arosawirowa. Owane Sitewi lai peri te'e nanei au te'e tepa'asiye.

Jut 1:16

Lu taune ape mo ai peri erasi te'enamisiya. Lowe lu taune tere'e lo yo seni luwaru a'i au te'e areiyeye. Lowe marepi luwaru a'i towafi lowe lo umasinamisiya. Lowe lai marepi lowe lo ei ani arowesiya. Sosu lowe lu taune tere'e ma'e peri te'e wisereyesiya su, lowe ma'aru tomu ne'ese aniyei ne totesiya.

Kamapim Tok Hait 13:1

Sosu Haru luwaru sa'i sa'i erasi ape tewiye ma'e teiteye. Sosu a'i pe ane sa'i eifariyai erasi ta sa'i papu wiraiyei siyeye. Le mato ereti feni werese feni hesi a'i (7) iroteye. Sosu le fe bulmakau lo pa'are keraro ereti feni hesi (10) mato lo papu wirai. Fe bulmakau lo pa'are keraro ta'i ta'i a'i hire sahe meni owane tutawe lo mato tuhe oso a'i onuteye. Mato werese lo ape sahe iyape ta, Owane Sitewi ma'e au te'e naruteye ape, au leseye.

Kamapim Tok Hait 16:11

Sosu tahe lowe lo fofowei erasi a'i henerai. Sosu aiwawe enite tamo tahe lowe lo sahe henerai su, lowe Owane Sitewi ni'arawe hire sahe ironamisiya ape ma'e au te'e naruteye. Ahowa, lowe yo seni luwaru werese lowe lo me'iyeni ma'e atati aru ta'ame.

Kamapim Tok Hait 16:21

Sosu sa'i tapiye orese wou (50 kilogram) ni'arawe ma'e itoraiyewe, lu taune hire ma'e winetairai. Lowe werese Owane Sitewi ma'e peri luwaru te'e naruteye. Piyene awere? Owane Sitewi lai sa'i tapiye orese erasi ape eimawe arosai. Serene lowe le ma'e peri luwaru a'i au te'e naruteye. Etiri luwaru orese a'i ape erasi pefine a'i ne.

Kamapim Tok Hait 16:9

Poweiye lo ai erasi a'i lai lu taune ma'e itomuwe su, lowe Owane Sitewi lo iyape ma'e te'e naruteye. Piyene awere? Owane Sitewi lai lowe ma'e etiri luwaru orese a'i ape mo eimawe arosai. Serai lowe yo seni luwaru a'i lowe lo me'iyeni ma'e atati aru ta'ame. Lowe Owane Sitewi lo iyape ei ani arowe ta'ame.