2 Timoti 1:16 - Saniyo-Hiyewe

¹⁶ Ahowa, meni tere'e ane ne au noweinoweisiya. Meni iyape Onesiforus, ane Owane Sitewi ma'e le ne apou ei towerisiya, “Owane Sitewi, ne meni ape, awaripi lo aiwawe, ferafereiyei erasi no lowe ma'e ironamite.” Ane kalabus wesi sahe irosiya su, le ane ne neritaseye ta'ame. Sosu le marepi ano au kairefiyeteye.

2 Timoti 1:16 ပူးပေါင်းရင်းမြစ်များ

Matyu 25:17

Sosu aiwawe a'i wiyawi ani siye meni tere'e ma'aru hesi a'i aniye ape, le ma'aru hesi a'i wiyawi ani tohoteye. Sosu meni ape ma'aru hesi a'i tere'e aniyei. Serai meni ape ma'aru hesiyo hesiyo ereti anite tepa'asiye.

Matyu 5:7

Fene lu taune ma'e marepi au seremareyesiya ape, Owane Sitewi lai fene ma'e marepiau seremareyerowa. Serene fene marepi papu tote nine'inamitorowa.

Aposel 21:33

Sosu Meni Owane ape Pol ma'e itero anite tawesirai. Le ai atu siye lu tamo ma'e apou eiye, “Fene wafei erasi hesi se Pol ti tawesite.” Lowe Pol wafei se ti tawesi tepa'asiye su, le lowe ma'e apou ei toweriye, “Meni eite eiwerai awere? Le piye yo seni irowe awere?”

Aposel 28:20

Serai ane fene te'e ta'uwerai. Ane fene peri ta te'eyei ne toteye. Owane Sitewi lo peri te'e naneiyei, nomo Israel lu taune werese ninawesiya ape, ane meni ape ne au te'esiya. Lowe marepi ano ape ane lu taune werese ma'e au te'eteye ape, ne wafei se ti tawesiteye.”

1 Korin 16:18

Lowe ane ma'e fai su, lowe peri heneruwe wisere a'i fene ne ane ma'e au te'esai. Lowe marepi wisere a'i ane ma'e auwe. Sosu fene peri ano wanuwei su, marepi fene lo aiwawe a'i au te'e wisereyeyei. Serai fene lu ape mo ne au te'e wisereyere.

Efesus 6:20

Owane Sitewi lai ane ma'e peri heneruwe lo ape au te'e fiyariyei ne ariariyeye. Pereye ane kalabus wesi sahe irosiya. Sosu ane lu taune ma'e Owane Sitewi lo peri au te'esiya. Serai fene ane ne Owane Sitewi ma'e te'e towerite. Sosu ane Owane Sitewi lo peri au te'e fiyariyei su, ane tote atoweiyerowata. Ahowa, ane peri lo au te'e fiyari areiyerowa.

2 Timoti 1:12

Sosu Owane Sitewi lai ane ariariyeye su, serai lu tamo ane ma'e au luwaruwesiya. Ahowa! Ane neritaseyeyei se ta'ama. Wiyeme, ane le ne so'oruwesiya! Ane marepi lo umasinamisiya. Nowe weriyei weriyei se, Owane Sitewi lai peri farere a'i lo le ane ma'e auwe ape, le etiri ape au noweinoweinamiyei.

2 Timoti 1:17

Sosu le omo Rom iroteye su, le ane ne siye nehi tohoteteye. Sosu mo'o le nihari ano siyeye.

2 Timoti 1:18

Meni ape omo Efesus sahe ane ma'e etiri tomu ne'ese ani pati aniye. Nowe ye'ewi se, Meni Owane nomo lo le ma'e ferafereiyei erasi au irorowa. Ne etiri apou a'i so'oruwesiya.

2 Timoti 1:8

Serai ne lu taune ma'e Meni Owane nomo lo ne au te'e fiyariyei su, ne marepi neritase a'i owe ape teritete. Ane Krais lo peri au te'eteye su, lu taune lai ane kalabus wesi sahe ani fu arosawi. Serai ne ane ne owe ape neritaseyere. Ahowa! Sosu notosi Krais Jisas lo peri heneruwe au te'eyei su, lu tamo notosi ma'e au luwaruwerowa, sosu notosi fofowei erasi teriterowa. Owane Sitewi lo kairefi se notosi kairefi a'i ironamiyei. Serai ne etiri ape ne owe ape neritaseyete.

2 Timoti 4:19

Sosu ane peri ye'ewi au te'esiya. Ne nohuweripi Akwila, tani lo Prisila lowesi ma'e eritere. Sosu lu taune werese Onesiforus lo wesi sahe iroteye ape, ne lowe ma'e eritere.

Filemon 1:20

Marepi ano apou a'i toteye. Kaiyemo ano, Jisas lo iyape se, ne lai marepi ano au kairefiyere. Serai ne marepi ano Krais lo kairefi se ne lai marepi ano au fetaneyere.

Filemon 1:7

Ne ane ne marepi erasi a'i totenamisiya. Ne, kaiyemo, lu taune werese ma'e Jisas lo peri wanu umasinamisiya ape, ne marepi lowe lo au kairefiyeye. Serai ane Owane Sitewi ma'e ne ne au te'e wisereyesiya.

Hibru 10:34

Lowe lu taune tamo kalabus wesi ma'e hene arunari su, fene orese fofowei lowe lo aiwawe a'i teriteteye. Lowe etiri werese fene lo ta'arei aniye su, fene marepi orese a'i terite ta'ame. Ahowa, marepi fene lo nine'i wisereyeye. Piyene awere? Fene etiri ta so'oruwesiya! Sosu etiri werese ape mo Krais fene ma'e au te'e naneiye ape, awei lo etiri werese hi ani araronamisiya. Lowe mi mi pasi pasi weriyei ironamitorowa.

Hibru 6:10

Owane Sitewi lo yo seni farere pefine a'i tene! Wiyawi ape fene ta'aneteye ape, sosu marepi tote wawesiyeyei le ne au atuatuteye ape, le fene ne tote i'anerowata. Kaiyemo ape mo, Jisas ne tote tawesisiya ape, fene lowe ma'e mi mi weriyei au ferafereinamiteye. Ei. Pereye nowe eite se, fene lowe ma'e au ferafereisiya.