2 Pita 3:15 - Saniyo-Hiyewe15 Wanure! Meni Owane Wiyeme a'i nomo lo lu taune werese ne eresene momotei a'i se ninawesiya. Le lu taune au luwaruwe po'ute wou ta'ama. Ahowa, le lu taune werese marepi hepene he'i a'i aureme. Serai le lowe ne eresene momotei a'i se ninawesiya. Lowe yo seni luwaru a'i me'iyeni ma'e atati tei awetowei su, le lowe ma'e marepi hepene he'i a'i aurowa. Kaiyemo nomo lo, iyape Pol, one towe tamo fene ma'e aiwawe a'i leseye. Owane Sitewi lai le ma'e marepi wisere a'i auwe. အခန်းကိုကြည့်ပါ။ |
2 Pita 3:15
27 ပူးပေါင်းရင်းမြစ်များ
Owane Sitewi lai le au noweinoweiteye. Lowe le au luwaruweteye su, Owane Sitewi lai le au pati ferafereiteye. Owane Sitewi le ne marepi tote wisereyeteye. Sosu Isip lo meni owane tutawe Josep ne aiwawe a'i marepi wisereye a'i toteye. Sosu Josep Isip lo pani werese au noweinoweiteye. Sosu le Isip lo meni owane tutawe lo wesi au noweinoweiteye.
Sosu a'i pe meni Ananaias wesi ape papu wiye. Le ereti lo Sol hire ma'e isawe aniteye. Sosu le apou eiye. “Kaiyemo Sol, Meni Owane Pefine a'i, Jisas nomo lo, ne omo ape sahe yanerai su, le ne ma'e yo sahe siyeye. Le ane ne ma'e eimawesai. Le nihe no au ta'ane petaneyei. Sosu le Owane Sitewi lo Hepene Wara'i a'i marepi hepene papu no ma'e eimawesai.”
Fene eiwerou totesiya awere? Owane Sitewi lai fene ma'e yo seni wara'i a'i lo au atuatunamisiya. Le fene ne iyu menei tomu ne'ese ninawesiya. Sosu le fene ma'e fofowei erasi witane se a'i itiya'u au se ta'ame. Ahowa, le fene ne ninawenamisiya. Owane Sitewi lai yo seni wara'i a'i ironamisiya. Serai fene toteyei apou owe ape totere. “Owane Sitewi lai yo seni wara'i a'i ironamisiya su, le yo seni luwaru a'i ano fofowei erasi a'i ane ma'e itiya'u aurowata.” Ahowa, yo seni wara'i a'i nomo ma'e omo hire iyei yo ape au atuatusiya. Serai nomo werese yo seni luwaru a'i nomo lo me'iyeni ma'e atati arunatite! Sosu nomo Owane Sitewi lo peri werese tote umasinamite.
Etiri ape mo, nomo lai au te'e fiyarisiya ape, awei lu tamo marepi wisere a'i lo se nomo ma'e au te'e atuatu ta'ame. Ahowa, Owane Sitewi lo Hepene Wara'i a'i nomo ma'e peri ape ne au atuatusiya. Le Owane Sitewi lo marepi pefine a'i sosu peri pefine werese a'i omo hire ma'e itorai ape, nomo lu taune ma'e Hepene Wara'i a'i lo irosiya ape, au te'e atuatu areiyesiya.
Owane Sitewi ane wiyawi lo irowei ne ariariyeyewe, ferafereiyei lo ane ma'e auwe. Ane wesi ta'ane siye meni owane wou a'i ne. Ane wesi lo ta'aneyei ne marepi wisere a'i se totenamisiya. Ane lu taune Krais ma'e hene aniyei su, wesi ta ta'aneyei wou a'i ne. Ane wesi me tou au opotiyei. Meni tere'e wesi me tou hire ma'e ta'aneyei. Weiyai! Lu werese ta'i ta'i a'i lowe wesi ape fa au ta'ane etiyei.
Sosu peri ape lo sitewi apou a'i te'eye. Ane meni luwaru pefine a'i ne. Jisas yo seni luwaru werese a'i ano au ani sasari pamoweye su, le ane marepi erasi a'i tote wawesiyesiya. Sosu le a'i lai ane ne marepi momotei a'i toteye. Ane meni luwaru a'i pefine a'i ne. Lu taune tere'e lai Owane Sitewi lo marepi wisere a'i siyeyei su, lowe fara'u Jisas lo marepi umasiyei. Lowe Jisas lo marepi umasiyei su, Owane Sitewi lai marepi hepene he'i a'i mi mi pasi pasi weriyei aunamirowa.
Ahowa, fene marepi wisere a'i tote po'uteyei su, fene Owane Sitewi ma'e marepi wisere a'i ne te'e towerite. Owane Sitewi lai marepi wisere a'i lu taune werese ma'e erasi a'i aurowa. Fene Owane Sitewi ma'e marepi wisere a'i te'e toweriyei ne aiyeyei su, Owane Sitewi lai marepi fene lo te'e ani fu arorowata. Ei, le lai marepi wisere a'i lo fene ma'e aurowa.
Ahowa, marepi wisere a'i, Owane Sitewi lo omo hire ma'e fai ape, tutawe marepi aseyaro wara'i a'i ne. Sosu mo'o marepi wisere a'i ape marepi fetane a'i ne. Ai marepi se ta'ama. Lu taune tere'e ne tote wawesiyesiya. Marepi wisere a'i toteyei su, fene yo seni wara'i a'i umasiyei. Aiwawe a'i fene marepi hesiyei se tote ta'ame. Ahowa, fene peri wara'i a'i au te'eyei su, sosu fene yo seni luwaru a'i irowei su, fene yo seni luwaru a'i apou ape owe ape umasinamite.
Lu taune lo Hepene ape mo ne, tu naifa weriyei meni Noa awei sahe iroteye ape, lu taune werese mi mi weriyei Owane Sitewi lo peri arisiteye. Sosu Owane Sitewi lai lowe marepi towafi lo fa irowei ne au arunamiteye. Sosu Noa wai erasi ta'aneye su, lowe Noa ma'e te'e naruteye. Wai erasi ape ta'ane tepa'asiye su, Owane Sitewi lai meni Noa nohuweripi awaripi wai ape papu hene wiye. Lu taune ereti feni werese feni hesi heta (8) wai ape papu hene wiye. Sa'i erasi ni'arawe ma'e itorai su, lu taune werese awei sahe iroteye ape, sa'i lai ani aporuwe. Noa lo lu feni wai ape papu wisere a'i onu ereteye.
Tu naifa weriyei Owane Sitewi lo peri au te'e siye lu aseyaro a'i, lowe Owane Sitewi lo peri lu taune ma'e au te'e fiyariye. Fene Owane Sitewi lo peri ape wanu tepa'asiye. Serai fene peri lowe lo ape tote anite tawesite. Aiwawe a'i lu ape mo, Owane Sitewi ariariyeye ape, le lai lowe Meni Owane Pefine a'i lo peri lu taune ma'e au te'e fiyariyei ne eimawesawi. Fene peri lowe lo wanuwe su, fene Jisas ne tote tawesi umasinamiteye. Serai fene peri lowe lo fu tote anite tawesite.
Lu taune tamo apou totesiya, “Owane Sitewi lo peri te'e naneiyei ape, ‘Ane meni Jisas hi awei ma'e si tame eimawe arosawirowa.’ Le peri ape au te'eye. Ahowa, Le meni ape witane a'i se si tame eimawe arosai ta'ama. Le ninawe momoteiyesiya.” Ahowa, meni Owane Pefine a'i lai fene ne marepi momotei a'i ne. Le lu taune werese ma'e marepi ferafereiyei a'i se au iro ninawe momoteiyesiya. Lu taune yehe omo ma'e irowa su, etiri luwaru a'i ne. Ane lowe yehe omo ma'e iyei wou ta'ama. Le apou eiye, “Ane lowe ne ninawe ninaweteyei. Lowe yo seni luwaru a'i lowe me'iyeni ma'e atati awetowei su, ane lowe ma'e marepi hepene he'i a'i aurowa.”
ကြော်ငြာတွေ