Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pita 3:12 - Saniyo-Hiyewe

12 Nowe ape Owane Sitewi ariariyeye ape, Jisas si tame itorairowa ape ne, fene erasi a'i totete. Le witane a'i fu aiyerowa. Fene lai Owane Sitewi lo wiyawi aninamiyei su, Jisas si tame itoraiyei ape, witane a'i aiyerowa. Nowe ape se etiri werese hire ma'e irosiya ape, Owane Sitewi lai yehe taiso ti sero'o po'uterowa. Ni'arawe, yame, eiwariyemi werese lowe taiso fu ti sero'o po'uterowa. Awei etiri werese hi ma'e irorowa ape, yehe taiso fu ti sero'o po'uterowa. Sa'i wou a'i henerairowa.

အခန်းကိုကြည့်ပါ။ ကော်ပီ




2 Pita 3:12
17 ပူးပေါင်းရင်းမြစ်များ  

Ane, meni hire ma'e itorai ape, ane tai ano lo kairefi erasi a'i se, Owane Sitewi lo ipari wisere a'i (ensel) mase itorairowa. Nowe ape se, ane lu taune werese lo yo seni au hese ereirowawe, etiri apou ape lowe ma'e itiya'u aurowa. Lu taune tamo yo peri ano umasi ta'ama ape mo, ane lowe yehe omo ma'e ani fu arosawirowa. Lu taune werese yo peri ano umasinamiteye ape, ane lowe Owane Sitewi lo omo wesi ma'e hene ani wirowa.


Peri ano pefine a'i ne. Wanure! Lu tamo sato ahe teisiya ape, ane, meni hire ma'e itorai ape, tai ano lo kairefi erasi a'i mase lu taune werese au noweinoweiyei ne itorairowa su, nowe ape se lowe temeniyerowata.”


Owane Sitewi lai wiyawi he'i wisere a'i lo ape fene ma'e au ta'ane atuatu areiyeteye. Nowe me'iye su Krais Jisas si tame itorairowa su, le fene ma'e wiyawi wisere a'i ta'ane tepa'asirowa. Etiri ape ane so'oruwesiya tene!


Jisas Krais nomo ma'e, marepi hepene he'i auwe ape, le Owane Sitewi wiyeme erasi a'i nomo lo ne. Tu naifa le nomo ma'e au te'e eti naneiteye. Le apou au te'e eti naneiteye, “Ane mi erasi se si tame itorairowa.” Serai nomo marepi erasi a'i se tote ninawenamisiya.


Peri ano wanure! Nowe Meni Owane Pefine a'i lu taune au hese ereirowa ape, witane a'i henerairowa. Apou wou a'i ta'arei meni ta pasi etiri fareyare ta'areiyei. Nowe ape henerairowa su, etiri werese ni'arawe hire ma'e irosiya ape, no'u erasi se perati po'uterowa. Sosu awei pani werese yehe ti sero'o po'uterowa. Awei pani werese, etiri werese awei sahe irosiya ape, ti sero'o po'uterowa.


Owane Sitewi lai etiri werese yehe taiso ti sero'o po'uterowa su, fene piye yo seni, fene lo irosiya ape, totesiya awere? Fene yo seni luwaru a'i ironamiyei su, Owane Sitewi lai fene aiwawe yehe taiso ti sero'o po'uterowa. Serai fene yo seni aseyaro wara'i a'i fu ironamite. Sosu Owane Sitewi lo marepi wara'i a'i umasinamite.


Lowe apou te'erowa, “Krais lai peri te'e naneiyei ta lu taune ma'e au te'eye. Le apou au te'eye, ‘Nowe me'iye su ane meni ta hi awei ma'e si tame itorairowa.’ Lowe apou ei towerisiya. ‘Eiwerou su meni ape itorairowa awere? Krais lai peri wawero nomo ma'e au te'eye. Meni ape hi awei ma'e itorairowata. Tu naifa weriyei Owane Sitewi awei etiri werese au ta'aneye. Nowe mo'o ape se Owane Sitewi lai wiyawi werese ani ta'ame. Sosu pereye nowe eite se awei aite werese nomo lo temeniyeye ape, le aiwawe a'i wiyawi ta'ane ta'ame.’”


Sa'i werese here foro'oweye su, Owane Sitewi apou eiye, “Ane lu taune werese sa'i se tame ani aporu temeniyerowata. Ahowa, etiri werese, hire ma'e irosiya ape, sosu etiri werese awei sahe irosiya ape, ane lai etiri werese ape mo yehe se taiso fu ti sero'o po'uterowa. Nowe ye'ewi su, ane lu taune werese yo seni luwaru a'i ironamiteye ape, yehe se etiri werese ape mo taiso fu ti sero'o po'uterowa.”


Sosu a'i pe fene Owane Sitewi lo tote wawesiyeyei ape sahe ironamite. Fene Meni Owane Jisas Krais lo seremareyeyei ninawete. Le si tame itorairowa su, le marepi hepene he'i a'i, mi mi pasi pasi weriyei ironamitorowa ape, fene ma'e aurowa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ