2 Korin 4:10 - Saniyo-Hiyewe

¹⁰ Serai mi mi werese nomo marepi orese a'i tahe pa'are nomo lo sahe fofowei teritenamisiya marepi orese a'i tahe nomo lo sahe teritesiya ape, Krais aiwawe a'i tu teriteye.

2 Korin 4:10 ပူးပေါင်းရင်းမြစ်များ

Jisas Krasi lo Peri Heneruwe, Jon leseteye ape ne 14:19

Nowe me'iye oso a'i su, ane fene arunatiyei. Serai lu taune awei lo yo umasiye ape, lowe ane ne si tame siyerowata. Ahowa, fene ane siyenamiyei. Ane temeniyeyei su, Owane Sitewi lai ane ne si tame ta'ane norohuwe hene ani sineyei. Serai ane mi mi pasi pasi hepene se ironamiyei. Sosu aiwawe a'i fene hepene se mi mi pasi pasi weriyei ironamirowa.

Pol One Towe eite Omo Rom maꞌe Lese Ausawi 6:5

Serai Jisas temeniyeye su, nomo lu taune Jisas ne tote tawesisiya ape, nomo Jisas lo temeniyeyei aiwawe a'i iroteye. Nomo le ma'e natenamirowa. Sosu Owane Sitewi lai Jisas si tame ta'ane norohuwe sineye su, nomo le ma'e aiwawe a'i natenamirowa.

Pol One Towe eite Omo Rom maꞌe Lese Ausawi 6:8

Sosu pefine a'i nomo Krais aiwawe a'i temeniyeye su, nomo peri ape so'oruwe tepa'asiye. Nomo mi mi weriyei weriyei marepi hepene he'i a'i le mase ironamitorowa.

Pol One Towe eite Omo Rom maꞌe Lese Ausawi 8:36

Nomo lu feni no ironamisiya su, Owane Sitewi lo one towe sahe meni ta tu naifa weriyei apou leseye, Lu tamo nowe werese nomo au luwaruwenamisiya. Nowe ne'ese lowe nomo aine tera'eyei ne totesiya. Lu taune tomu ne'ese nomo ne apou totesiya, “Nomo lu taune yahowa'i ne. Nomo fe sipsip wou a'i ne. Lowe nomo aine tera'eyei ne totenamisiya.” Sng 44:22

2 Korin 1:5

Serai lu tamo lai Krais ma'e au luwaruweye su, Owane Sitewi lai Krais ma'e marepi fetane a'i auwe. Serai aiwawe a'i lowe nomo ma'e au luwaruweye su, Krais lai Owane Sitewi lo marepi fetane erasi a'i nomo ma'e au ferafereiyei.

2 Korin 1:9

Pefine a'i, nomo marepi erasi a'i toteteye. Nomo temeniyeyei ne toteteye. Nomo lai marepi nomo lo tote tawesirowata. Ahowa, Owane Sitewi lai lu taune si ta'ane norohuwe hene aniyei ape, nomo le ne tote tawesinamiteye.

2 Korin 13:4

Wiyeme a'i. Lowe Jisas me tape'i sahe aine ti tawesi heriye su, le tahe pere'e a'i se temeniyeye. Ahowa, Owane Sitewi lai kairefi erasi a'i se le ne si tame ta'ane norohuwe hene aniye. Serai nomo marepi hepene ta'i a'i le mase irosiya su, nomo aiwawe tahe pere'eyesiya. Ahowa, nomo fene mase irowei su, nomo Owane Sitewi lo kairefi a'i se mi mi weriyei marepi hepene lo umasinamirowa.

2 Korin 4:11

Nomo Jisas lo wiyawi ta'aneyei su, mi mi werese lu tamo nomo aine tera'eyei ne totesiya. Serai nomo fofowei erasi a'i tahe nomo lo sahe teriteyei su, lu taune werese Jisas lo marepi hepene, tahe pa'are nomo sahe siye so'oruwerowa.

Galesia 6:17

Serai ane peri ye'ewi fene ma'e eisiya. Ane Jisas lo marepi umasisiya su, nowe tase lu tamo me'iyeni ano sahe aine nateye. Enite niyame yaro tahe ano sahe irosiya. Serai fene meni ta ane ma'e owe ape au luwaruwete.

Kolosi 1:24

Sosu a'i pe ane fofowei erasi a'i tahe pa'are ano sahe teritesiya su, ane fene ne marepi erasi nine'isiya. Lu taune tomu ne'ese a'i, Krais lo yo umasisiya ape, lowe fofowei erasi a'i teriterowa. Serai lowe tahe pa'are lowe lo sahe fofowei erasi teriterowa su, Meni Krais, sosu lu feni werese lo aiwawe a'i fofowei lowe lo ape teriterowa. Lu tamo ane fofowei erasi aine nayei su, ane lowe ma'e marepi luwaru a'i te'erowata. Ahowa, ane Krais lo tahe pa'are aiwawe a'i fofowei erasi a'i ape au teriterowa. Serai ane fofowei erasi teriteyei su, ane marepi erasi a'i tote nine'irowa.

2 Timoti 2:11

Ne peri wiyeme ape wanu etire, “Nomo Jisas aiwawe temeniyeye su, nomo le aiwawe mi mi pasi pasi ironamitorowa.”

1 Pita 4:13

Fene Jisas lo wiyawi ta'aneyei su, fene fofowei ta'i ta'i a'i, fofowei le aiwawe a'i teriteyei. Lu taune tamo fofowei erasi a'i teriteyei. Lu taune tamo fofowei oso a'i teriteyei. Fene fofowei teriteye su, fene marepi wisere a'i totenamire. Serai nowe ye'ewi se Jisas Krais mitaiyeyei erasi mase pani awei amerame a'i ma'e itorairowa su, fene marepi wisere erasi a'i toterowa. Sosu fene Jisas lo iyape te'e ani arowerowa.

1 Pita 4:14

Fene Jisas lo wiyawi ta'ane su, sosu lu tamo fene ma'e au luwaruweyei su, Owane Sitewi lai marepi fene lo au wisereye irowei. Fene Jisas lo peri wanu tote tawesi umasiyei su, Owane Sitewi lo Hepene Wara'i a'i mitaiyeyei fene ma'e napetuwei.

Kamapim Tok Hait 1:17

Sosu ane le siyeye su, ane lowe lo atahe sahe hi awei ma'e winetaiye. Temeniyeyei meni wou winetaiye. Le ereti eyate feni lo ane ma'e isawe aniteyewe, ane ma'e eiye, “Atoweiye sawa! Ane meni tutawe aiwawe a'i. Sosu ane meni nowe ye'ewi henerairowa.