2 Korin 1:2 - Saniyo-Hiyewe

² Owane Sitewi, Tai Pefine a'i nomo lo, sosu Jisas Krais aiwawe a'i, fene werese ma'e ferafereiyei lowesi lo aurowa. Marepi momotei fetane a'i Owane Sitewi ma'e aiyesiya ape, fene sahe ironamirowa.

2 Korin 1:2 ပူးပေါင်းရင်းမြစ်များ

Pol One Towe eite Omo Rom maꞌe Lese Ausawi 1:7

Rom lo lu taune werese Jisas Krais lo peri wanu umasiteye ape, Owane Sitewi fene tote wawesiyesiya. Le lu feni heneraiyei ne ariariyeye. Serai ane one towe eite fene ma'e lese ausawiyei. Ane Owane Sitewi ma'e fene ne ei towerisiya. Sosu Owane Sitewi lai tai nomo lo, sosu Meni Owane Jisas Krais, lowesi marepi ferafereiyei lowesi lo fene ma'e fa aure. Sosu lowesi fene ma'e marepi fetane a'i lo mi mi werese ironamirowa.

1 Korin 1:3

Owane Sitewi lo ferafereiyei fene mase fa ironamite. Owane Sitewi Tai Pefine a'i nomo lo, sosu Owane Jisas Krais aiwawe a'i, lowesi marepi fetane a'i fene ma'e ausawiyei.

2 Korin 1:3

Owane Sitewi, Meni Owane Jisas lo Tai, nomo lai iyape lo ei ani aroweyei. Le yo seni ferafereiyei pefine a'i lo nomo ma'e au napetunamisiya. Le marepi wisere fetane a'i nomo ma'e aunamisiya.

Galesia 6:16

Sosu lu taune Krais lo yo peri ape tote umasisiya ape, ane lowe ne Owane Sitewi ma'e ei towerisiya. Owane Sitewi lai lowe ma'e marepi fetane pefine a'i sosu ferafereiyei lo mi mi weriyei weriyei au ironamitorowa. Ei, Owane Sitewi lai marepi fetane a'i lo, sosu ferafereiyei lo lu tewi pefine a'i lo ma'e weriyei weriyei au ironamitorowa.

Efesus 6:23

Sosu a'i pe ane Owane Sitewi ma'e apou ei towerisiya. Tai, sosu Meni Owane Jisas Krais, lowesi fene ma'e le ne tote tawesisiya ape, marepi fetane a'i sosu tote wawesiyeyei lowesi lo fene ma'e aurowa.

Filipai 1:2

Owane Sitewi Tai Pefine a'i nomo lo sosu meni Owane Jisas Krais aiwawe a'i fene ma'e ferafereiyei lowesi lo sosu marepi fetane momotei a'i fene ma'e au ironamitorowa.

Kolosi 1:2

Fene omo Kolosi sahe irosiya ape, fene lu taune aseyaro wara'i a'i, sosu Owane Krais lo yo seni tote umasinamisiya ape, notosi fene ma'e one towe eite lese ausawisiya. Owane Sitewi Tai Pefine a'i fene werese ma'e ferafereiyei lo sosu marepi momotei fetane a'i fa au irote.

1 Tesalonaika 1:1

Ane Pol, lu hesi aiwawe Sailas, Timoti, nomo one towe eite lu taune ma'e, omo Tesalonaika sahe irosiya ape, ausawiyei. Nomo fene ma'e, Owane Sitewi tai pefine lo peri tote tawesiteye ape, Jisas lo peri umasiteye ape, one towe eite ausawiyei. Owane Sitewi lai fene werese ne au noweinoweisiya. Sosu ane Owane Sitewi ma'e fene ne apou eisiya, “Ne lu taune werese ma'e ferafereiyei no aure, sosu lowe ma'e marepi fetane a'i aure.”

2 Tesalonaika 1:2

Nomo fene ne Owane Sitewi, Tai nomo lo, Meni Owane Jisas Krais aiwawe a'i te'e towerisiya. Owane Sitewi lai fene werese ma'e marepi fetane a'i auwei. Sosu marepi werese a'i fene lo ma'e au wisereye irowei.

Filemon 1:3

Fene werese lu taune yahowa'i a'i ne. Owane Sitewi lai marepi wisere a'i lo fene ma'e aunamiyei. Sosu Owane Sitewi, Tai nomo lo, sosu aiwawe Meni Owane Jisas Krais, lowesi marepi fetane a'i fene ma'e auwei.