1 Timoti 4:14 - Saniyo-Hiyewe

¹⁴ Sosu aiwawe a'i ne Owane Sitewi lo kairefi, le ne ma'e auwe ape, ne me'iyeni ma'e owe ape atati arute. Owane Sitewi lo wesi lu owane tamo lowe ne hire ma'e ereti se au hetesi fuwe su, Owane Sitewi lai kairefi lo ne ma'e auwe. Lowe ereti ne ma'e isawe hetesiyeye su, Owane Sitewi lo Hepene Wara'i a'i ne ma'e wiyawi no au kairefiyeye.

1 Timoti 4:14 ပူးပေါင်းရင်းမြစ်များ

Aposel 11:30

Lowe lu hesi Barnabas, Sol lowesi ma'aru ape, lowe ta'uwe aniye ape, aitiyei ne ariariyeye. Lowesi ma'aru ape mo lu owane ma'e, Jisas ne tote tawesinamiteye ape, aiti.

Aposel 13:3

Sosu lowe Owane Sitewi ma'e au te'e toweriye, ayei werese amouweye su, lowe lu hesi ape ma'e ereti isawe fuwewe, sosu Owane Sitewi lo wiyawi au ta'aneyei ne eimawesawi.

Aposel 19:6

Sosu Pol ereti lo lowe hire ma'e isawe fuwe su, Owane Sitewi lo Hepene Wara'i a'i lowe papu wirai. Lowe peri tere'e tere'e au te'eye. Lowe peri etiri tamo mo'o henerairowa ape ne au te'eteye.

Aposel 22:5

Au heseyei lu owane pefine lu ta'uwe owane, ta'uweyei ape peri ano pefine a'i au te'eyei. Lowe one towe ta omo Damaskus lo lu owane tamo ma'e lese ausawi. Ane lai omo ape sahe one towe ape aiti. Ane lu taune werese, Jisas lo marepi tote umasiteye ape, omo Jerusalem ma'e henetaiyei ne toteye. Ane lowe werese kalabus wesi ma'e henetiyei ne toteye.

Aposel 6:6

Lowe lu ape mo ariariyeye su, lowe lu aposel ape mo ma'e henetai. Sosu lowe lu ape mo ereti hire sahe fuwewe, sosu Owane Sitewi ma'e au te'e wisereyeye.

Aposel 8:17

Sosu Pita, Jon lowesi ereti lowesi lo se lu taune werese ma'e hire isawe hetesiyewe, Owane Sitewi lo Hepene Wara'i lowe papu wira.

1 Tesalonaika 5:19

Owane Sitewi lo Hepene Wara'i a'i yehe wou a'i ne. Le marepi hepene fene lo papu irosiya. Fene marepi fene lo wiyawi lo owe ape ani fu arote.

1 Timoti 1:18

Sosu a'i pe Timoti ne peri ano wanure. Ne meni eime ano wou a'i ne. Tu naifa meni ta peri wiyeme a'i ne ne au te'eye. Ne peri wiyeme ape wanu umasire. Ne peri ape umasiyei su, ne fara'u tote tawesiyei no se tei kairefiyeyei.

1 Timoti 4:15

Serai ane ne ma'e au te'esiya. Ne wiyawi ape ta'ane tohotete. Mi mi werese ne wiyawi ape au noweinoweite. Serai ne wiyawi ape au noweinoweiyei su, lu taune werese wiyawi no siye wisereyerowa.

1 Timoti 5:17

Sosu ane Owane Sitewi lo wesi lu owane ma'e au te'esiya. Sosu meni owane ape Owane Sitewi lo wesi lo etiri au noweinoweiyei su, marepi ano apou a'i totesiya. Ne lu ape mo ma'e ma'aru tomu ne'ese a'i pei luwaru a'i fu aute. Serai lowe mi mi werese Owane Sitewi lo peri au te'e fiyarisiya, sosu aiwawe lowe lu taune werese ma'e Owane Sitewi lo marepi au te'e atuatusiya.

1 Timoti 5:19

Sosu meni ta'i a'i Owane Sitewi lo wesi meni owane ne apou eiye, “Meni owane ape yo seni luwaru a'i irowe.” Ne peri lo ape owe ape wanute. Ahowa! Lu hesi, lu hesi heta le ne peri apou ape ahi ta'i a'i se au te'eyei su, ne peri lowe lo ape wanure.

1 Timoti 5:22

Ne meni ta Owane Sitewi lo wesi meni owane ariariyeyei su, ne yo seni werese lo siye eti areiyere. Ne yo seni werese lo siye eti ereiyei su, ne fara'u meni ape ereti se mato hire ma'e isawe hetesiye. Ereti isawe hetesiye su, ne meni ape ne Owane Sitewi ma'e au te'ere. Sosu ne meni ta ereti hire ma'e isawe hetesiyei su, sosu meni ape yo seni luwaru a'i irowei su, ne lai yo seni luwaru a'i lo tewi aiwawe a'i irowei.

1 Timoti 6:12

Owane Sitewi lo yo seni werese ne lai kairefi a'i se anite tawesire. Ne kairefi a'i se tote anite tawesiyei su, ne fara'u marepi hepene he'i a'i mi mi pasi pasi ironamirowa. Lu taune tomu ne'ese lo nihe se yo seni aseyaro a'i no au atuatu areiyeye.

2 Timoti 1:6

Serai ane ne ma'e au te'esiya. Owane Sitewi lai Hepene Wara'i a'i lo ne ma'e neri a'i auwe. Ne lai Owane Sitewi lo Hepene Wara'i a'i marepi no erasi a'i heneraire. Ane ereti ano ne ma'e isawe hetesiye su, Owane Sitewi lai Hepene Wara'i a'i lo ne ma'e auwe.