1 Tesalonaika 5:7 - Saniyo-Hiyewe

⁷ Wiyeme a'i. Lu taune, nihe howeiyei ape, pasi a'i nihe howeisiya. Lu taune sa'i meremereye a'i ayei su, marepi lowe lo pasi a'i se meremereye irowei.

1 Tesalonaika 5:7 ပူးပေါင်းရင်းမြစ်များ

Jisas Krasi lo Peri Heneruwe, Jon leseteye ape ne 2:10

“Wain sa'i eite wisere a'i tene! Lu taune werese lowe ma'e wain sa'i wisere a'i tu au none isafiyeye. Sosu lowe wain sa'i anamiteye su, lowe meremereye a'i henerai. Sosu lu taune meremereye a'i ironamiye su, ayei meni owane werese wain sa'i luwaru a'i au none isafiyeye. Ahowa, ne lai wain sa'i wisere a'i mo'o au nonetiye.”

Aposel 2:15

Fene, nomo ne meremereyesiya ape, totesiya awere? Ahowa, lu feni ano, nomo sa'i meremereye a'i a ta'ame. Nomo meremereye ta'ame. Nowe esi ponei a'i irosiya. Ahowa, lu taune tamo, sa'i meremereyeyei ape, esi ponei a ta'ame.

Pol One Towe eite Omo Rom maꞌe Lese Ausawi 13:13

Nomo yo seni aseyaro a'i umasinamite. Lu taune tamo etiri mitaiyeyei sahe irosiya ape, yo seni lowe umasisiya ape, nomo aiwawe a'i tote umasinamirowa. Nomo ene a ta'uwe hereiyei luwaru a'i tamo irorowata. Nomo sa'i meremereyeyei ape ene arowata. Nomo tafa'e yo seni werese apou ape irorowata. Nomo lu taune tere'e tiyati ma'e ai aturowata. Aiwawe a'i nomo lu taune tiyati ma'e ai marepi luwaru a'i toterowata.

1 Korin 15:34

Fene etiri aseyaro werese totenamite. Yo seni eite wisere a'i ne. Fene yo seni luwaru a'i owe ape irote. Lu tamo, fene ma'e irosiya ape, lowe Owane Sitewi lo marepi so'oru ta'ama. Serai ane peri eite fene ma'e au te'esiya su, fene neritaseye teritesiya.

Efesus 5:14

Serene Owane Sitewi lo peri apou te'esiya, “Fene nihe howeisiya ape, nihe petenere. Fene temeniyesiya ape, si norohuwe sinere! Sosu Krais fene ma'e tei mitaiyerowa.” Ais 26:19

Efesus 5:18

Sa'i meremereye a'i owe ape a teme'eriyenamite. Fene sa'i meremereye a'i anamiyei su, yo seni fene lo aiwawe a'i meremereye a'i henerairowa. Sa'i meremereye a'i lai marepi hepene fene lo au luwaruwerowa. Ahowa, fene Owane Sitewi lo Hepene Wara'i a'i marepi hepene fene lo papu fa wi teme'eriyenamite.

2 Pita 2:13

Yo seni luwaru a'i ne, lowe lai lu taune ma'e irowe ape, Owane Sitewi lai etiri fofowei luwaru a'i lowe ma'e itiya'u aurowa. Lu ape mo apou a'i totesiya. “Nomo yo seni luwaru a'i irowei su, nomo nowe mi sahe aiwawe a'i ironamiyei. Nomo yo seni apou ape ne nine'isiya.” Lowe yo seni luwaru a'i irowei su, lu taune tomu ne'ese siyerowawe, iyape fene lo hi ani ararorowa. Lu werese ape mo luwaru a'i ne. Lowe lu taune ma'e peri wawero au te'eyei su, lowe marepi tote nine'iteyei. Lowe fene mase ene ayei su, lowe tote tawesiyei fene lo tatai aniyei ne toteyei.