1 Pita 4:6 - Saniyo-Hiyewe

⁶ Lu tamo Jisas lo peri lu taune ma'e tu temeniyeye ape, au te'e areiye fiyariteye. Piyene awere? Aiwawe a'i ne. Tu naifa Owane Sitewi lai yo seni luwaru wou a'i lowe lo au hese ereiteye. Serai lowe temeniyeye. Lu taune werese aiwawe ne. Lowe Jisas lo peri wanuwe su, lowe Jisas ne tote tawesi umasiteye. Serai lowe temeniyeye su, hepene lowe lo Owane Sitewi mase mi mi pasi pasi ironamitorowa.

1 Pita 4:6 ပူးပေါင်းရင်းမြစ်များ

Matyu 24:9

Lu tamo fene ma'e au luwaruweyei ne henetirowa. Lowe fene tamo aine tera'erowa. Fene iyape ano anite tawesi umasisiya su, lu taune tomu ne'ese omo omo werese sahe fene ma'e ai marepi totenamirowa.

Pol One Towe eite Omo Rom maꞌe Lese Ausawi 8:2

Ane Krais Jisas mase natenamisiya. Serai Owane Sitewi lai ane etirowata. Ane nihe lo se meni wara'i a'i ironamitorowa. Piyene awere? Owane Sitewi lo Hepene Wara'i a'i lo yo peri ape ane ma'e marepi he'i a'i auwe. Sosu meni yo seni weriyei marepi ano papu iroteye ape, Owane Sitewi lai le hi ani ararowe. Serai nomo le unahi iro ta'ame. Marepi weriyei yo seni luwaru wou a'i ne. Yo seni weriyei lo yo peri ane ma'e yo seni luwaru a'i au tewi ite itenamiteye. Serai ane yo seni luwaru a'i irowe su, hepene ano temeniyeye.

Galesia 2:19

Krais me tape'i sahe temeniyeye su, le Moses lo yo peri au ta'ane po'uteye. Serai ane le ne tote tawesiye su, ane me tape'i sahe wou temeniyeye. Serai Moses lo yo peri lo kairefiyeyei ane ne au noweinowei ta'ame. Ane meni temeniyeyei wou a'i ne. Ane Krais ne tote tawesiye su, le marepi hepene ano papu wiye. Marepi hepene tahe pa'are ano irosiya ape, ane Jisas lo tote tawesiyei se ironamisiya. Le ane ne marepi erasi a'i tote wawesiyenamiteyewe, ane ne me tape'i sahe temeniyeye.

Galesia 5:25

Owane Sitewi lo Hepene Wara'i a'i fene papu ironamisiya su, fene marepi lo tote umasinamite.

1 Pita 1:12

Owane Sitewi lai lowe ma'e au te'eye, “Peri ano ape fene au te'eye ape, fene etiri ape henerai siyerowata. Ahowa, peri ano ape nowe me'iye su henerairowa. Lu taune tamo peri ano ape wanurowa su, lowe Krais ne wanu so'oruwerowa. Peri ano ape lai lowe au pati anirowa.” Owane Sitewi lai Hepene Wara'i a'i lo awei hi ma'e eimawe arosai. Sosu Owane Sitewi lo wiyawi ani siye lu ape fene ma'e peri heneruwe ape au te'e areiyeteye. Peri ape Owane Sitewi lai hi ma'e au te'e arosai ape, Owane Sitewi lo ipari wisere a'i ape mo, lowe peri ape wanu so'oruwereme. Ahowa, lowe peri ape wanu so'oruwerowata.

1 Pita 3:18

Krais nowe ta'i a'i se yo seni luwaru werese a'i ani sasari pamoweyei ne temeniyeye. Serai nomo mi mi pasi pasi temeniyerowata. Le yo seni aseyaro wara'i a'i ironamiteye. Nomo werese yo seni luwaru a'i ironamiteye. Serai le yo seni luwaru werese nomo lo ani sasari pamowe po'utesawi. Sosu le nomo werese Owane Sitewi ma'e heneti. Lu tamo tahe pa'are me tape'i sahe aine tera'e ti tawesiye. Ahowa, Owane Sitewi lai hepene lo fisiye papu si tame ta'ane norohuwe sineye. Pereye le mi mi pasi pasi hepene se ironamisiya.

1 Pita 3:19

Krais lo hepene lai lu taune lo Hepene werese a'i ma'e kalabus wesi iroteye ape, peri lo au te'e areiyeyei ne fi.

Kamapim Tok Hait 14:18

Sosu Owane Sitewi lo ipari tere'e tapiye wari ma'e fai. Owane Sitewi lo ipari ape yehe ape noweinowei siye meni topo. Le Owane Sitewi lo ipari tutawe ma'e apou uteye, “Ne hi awei ma'e itorowawe, wafei wain so werese aine tou erere! Wafei wain so werese ape mo pere'eyeye.”