1 Pita 4:16 - Saniyo-Hiyewe

¹⁶ Ahowa, fene, Krais lo marepi umasisiya ape, fofowei erasi a'i teriteyei su, fene marepi neritase a'i owe ape totere. Fene Krais lo iyape, marepi fene lo papu irosiya ape, fene Owane Sitewi lo iyape au te'e ani arowete.

1 Pita 4:16 ပူးပေါင်းရင်းမြစ်များ

Aposel 11:26

Le meni ape siyeye su, le le omo Antiok ma'e si heneti. Sosu lowesi yame tomu ne'ese Owane Sitewi lo lu feni aiwawe a'i iroteye. Lowesi Owane Sitewi lo marepi werese lowe ma'e au te'e atuatuteye. Lu taune tomu ne'ese Owane Sitewi lo peri wanuteye. Sosu lowe Krais lo lu feni Antiok sahe ma'e iyape he'i a'i au te'eye. Iyape he'i a'i ape apou aiwawe ‘Kristen.’

Aposel 26:28

Sosu Agripa Pol ma'e itiya'u eiye, “Nowe oso a'i su, ne apou toteye, ne ane marepi he'i a'i ape tatai anirowa awere?”

Aposel 28:22

Ahowa, nomo peri no wanuwei ne totesiya. Lu taune tomu ne'ese, omo omo werese iroteye ape, Jisas ne au te'e naruteye.”

Aposel 5:41

Lowe ta'uweyei wesi arunati su, lowe Owane Sitewi ne au te'e wisereye nine'iteye. Lowe Jisas lo iyape se neritase ta'ame. Serai lowe Owane Sitewi ma'e peri au te'e wisereye nine'iteye.

Filipai 1:20

Ane etiri ta marepi erasi pefine a'i totenamisiya. Nowe mi mi weriyei, sosu pereye nowe eite se, etiri werese ane irowei ape, ane Krais lo yo seni ne neritaseyerowata. Ane Owane Sitewi ma'e apou ei towerisiya. Ane hepene se irosiya su, ane temeniyeyei su, ane mi mi weriyei marepi kairefi a'i teinamirowa. Ane awei sahe irosiya su, ane lu taune werese ma'e Krais lo kairefi ane mase ironamisiya ape, au te'e atuatu areiyerowa.

Filipai 1:29

Serai Owane Sitewi lai fene ma'e au ferafereiye. Serai fene lai Krais ne tote tawesiye. Fene Krais ne tote tawesisiya su, fene fofowei erasi a'i teriterowa. Sosu marepi orese a'i fene ma'e henerairowa. Serai fene Krais ne tote tawesiyei su, sosu fene fofowei erasi a'i teriterowa.

2 Timoti 1:12

Sosu Owane Sitewi lai ane ariariyeye su, serai lu tamo ane ma'e au luwaruwesiya. Ahowa! Ane neritaseyeyei se ta'ama. Wiyeme, ane le ne so'oruwesiya! Ane marepi lo umasinamisiya. Nowe weriyei weriyei se, Owane Sitewi lai peri farere a'i lo le ane ma'e auwe ape, le etiri ape au noweinoweinamiyei.

Jems 2:7

Aiwawe a'i lowe tote tawesiyei fene lo au te'e naruwe. Lowe Jisas lo iyape ne aiwawe a'i te'e naruwe.

1 Pita 2:12

Lu taune tomu ne'ese Jisas lo yo umasi ta'ame. Lowe yo seni fene lo peri luwaru a'i te'e naruwei su, fene yo seni aseyaro a'i fu irote. Sosu lowe yo seni wara'i a'i fene lo siyeyei su, lowe yo seni wara'i a'i fene lo marepi se tote tawesi umasiyei. Jisas hi awei ma'e itorairowa su, lowe Owane Sitewi lo iyape ei ani arowerowa.

1 Pita 4:11

Owane Sitewi lai meni ta ma'e kairefi au te'e areiye fiyariyei ne auwe su, le Owane Sitewi lo peri wou a'i lu taune ma'e fu au te'e areiye fiyarite! Owane Sitewi lai meni tere'e ta ma'e lu taune au pati ferafereiyei lo kairefi auwe su, le lu taune Owane Sitewi lo kairefi se fu au pati ferafereire! Serai fene lu taune ma'e Krais Jisas lo iyape se au pati ferafereiyei su, fene Owane Sitewi lo iyape erasi a'i ei ani aroweyei. Owane Sitewi lo kairefi mi mi pasi pasi weriyei ironamisiya. Nomo Owane Sitewi lo iyape mi mi pasi pasi weriyei te'e ani arowete. Peri ape mo wiyeme a'i tene!

1 Pita 4:14

Fene Jisas lo wiyawi ta'ane su, sosu lu tamo fene ma'e au luwaruweyei su, Owane Sitewi lai marepi fene lo au wisereye irowei. Fene Jisas lo peri wanu tote tawesi umasiyei su, Owane Sitewi lo Hepene Wara'i a'i mitaiyeyei fene ma'e napetuwei.

1 Pita 4:19

Serai Owane Sitewi lo marepi apou a'i toteyei su, lu taune ta'i ta'i a'i fofowei erasi tahe towafi lowe lo sahe teriteyei. Fene fofowei erasi teriteyei su, fene kairefi teite! Fene yo seni wara'i a'i owe ape arunatire. Ahowa, fene marepi hepene fene lo Owane Sitewi lo ereti ma'e au fure! Le tahe pa'are hepene fene lo au ta'aneye su, serai le fene mi mi pasi pasi au noweinoweinamirowa.