1 Pita 4:15 - Saniyo-Hiyewe

¹⁵ Wanure! Fene yo seni luwaru a'i irowei su, apou a'i fene meni ta aine tera'eyei, etiri ta ta'arei aniyei, yo seni luwaru a'i ironamiyei, lu taune ma'e au luwaruweyei. Fene yo seni owe ape irowei su, fene fofowei erasi a'i teriteyei. Fofowei ape ne Owane Sitewi lo nihe se luwaru a'i ne. Serai yo seni apou ape owe ape irote.

1 Pita 4:15 ပူးပေါင်းရင်းမြစ်များ

Matyu 5:11

Fene yo seni wara'i a'i ano umasinamisiya ape, lu tamo fene ne ai marepi totenamiyei. Sosu lowe fene au luwaruweyei. Sosu lowe peri luwaru a'i fene ma'e au te'e areareyei. Serene fene marepi papu tote nine'inamitorowa.

1 Tesalonaika 4:11

Sosu etiri werese fene irowei ape, fene mi mi werese marepi momotei a'i ironamite. Fene yo seni luwaru a'i owe ape irote. Aiwawe a'i fene etiri fene lo au iro noweinoweite. Fene wiyawi werese ereti towafi fene lo se ta'anete. Serai fene lu tamo tere'e ma'e marepi orese a'i owe ape au irote. Peri ape mo nomo fene ma'e au te'e areiye tepa'asiye.

2 Tesalonaika 3:11

Wanure! Nomo peri ta apou wanuwe. Lu taune ta fene mase irosiya ape, lowe onota'ano a'i ne. Lowe wiyawi tamo ta'ane ta'ame. Ahowa, lowe lu tere'e tere'e lo marepi tatai aniyei ne totesiya. Lowe lai lu taune tere'e tahe onota'anowei ne marepi tatai aniyei ne totesiya.

1 Timoti 5:13

Sosu aiwawe lowe onota'ano a'i iroteye. Lowe wesi tere'e tere'e yahowa'i onutiteye. Lowe yo seni onota'ano a'i irowe. Sosu lowe peri luwaru a'i ta taune tere'e ma'e au te'e fiyariye. Lowe yo seni luwaru a'i tote umasititeye. Lowe yo seni luwaru a'i iroteye su, lowe peri luwaru au te'e fiyariye. Peri apou ape amou a'i tene!

2 Timoti 2:9

Serai ane lu taune ma'e Owane Sitewi lo peri heneruwe wisere a'i au te'e fiyariye su, lu tamo ane ma'e au luwaruweye. Sosu lowe ane kalabus wesi ma'e henetiyewe, sosu lowe ane wafei se ti tawesiye. Meni luwaru wou a'i ti tawesiye. Ahowa! Lu tamo Owane Sitewi lo peri einamirowata.

1 Pita 3:14

Fene yo seni aseyaro a'i ironamirowa su, sosu lu tamo fene ma'e au luwaruweyei su, Owane Sitewi lai fene ma'e marepi wisere a'i auwei. Lowe fene ma'e au luwaruweyei ne toteyei su, “Fene lowe ne owe ape atoweiyere! Aiwawe a'i fene marepi orese a'i owe ape totere!”

1 Pita 3:17

Fene yo seni aseyaro wara'i a'i irowei su, Owane Sitewi lo marepi fene ne apou totesiya, fara'u fene fofowei erasi teriteyei. Ape wiyeme a'i ne. Ahowa, fene yo seni luwaru a'i irorowawe, fofowei erasi teriteyei su, Owane Sitewi ate fene ne au wisereyerowata.