1 Korin 9:4 - Saniyo-Hiyewe

⁴ Ane, lu tewi ano aiwawe a'i, Meni Owane Jisas lo wiyawi ironamisiya su, Owane Sitewi ane ma'e eiye, “Ne fara'u ayei tamo lu taune ma'e ausaiyei ne ei towerisiya.” Lu taune tamo nomo ma'e ayei itiya'u auwei. Sa'i aiwawe itiya'u auwei.

1 Korin 9:4 ပူးပေါင်းရင်းမြစ်များ

Matyu 10:10

Fene Owane Sitewi lo peri au te'eyei su, lu taune tamo fene ma'e etiri ayei ta aurowa. Serai fene niye ta owe ape aiti. Fene apou owe ape totere, ‘Ane lowe tahe hesi a'i fara'u aitiyei. Ane ipari tahe hesi a'i aiwawe a'i aitirowa.’ Ahowa, fene iyei su, ipari tahe ta'i ani asire. Sosu ire! Fene me epi owe ape aiti. Wiyawi meni ta wiyawi aniyei su, lu tamo etiri lo le ma'e fa aure.

Jisas Krais lo Peri Heneruwe, Luk leseteye ape ne 10:7

Wiyawi meni owane, le lai wiyawi lu tewi lo ma'e ma'aru auwei. Serai fene wesi ta wiyei su, meni owane lai fene ma'e ayei ta, sa'i ta au ene ayei. Ayei ape wiyawi ma'aru fene lo ne fene fara'u ayei lo ene are. Fene wesi tere'e tere'e ma'e owe ape sewiyetite!

Aposel 20:33

Ane etiri tamo fene lo ne, ane fene mase iroteye su, ei tatai aniye. Ma'aru werese, ipari tahe werese fene lo ane aiwawe ei tatai aniye.

1 Korin 9:3

Lu taune ane ma'e yo seni luwaru a'i fu te'eyei su, ane peri ano lowe ma'e itiya'u au te'erowa.

Galesia 6:6

Sosu a'i pe meni ta Owane Sitewi lo peri au te'e areiyesiya. Lu taune tere'e peri lo wanuwei su, lowe etiri wisere a'i apou ape atuatu siye meni ma'e isafiye noweinoweite.

1 Tesalonaika 2:6

Ahowa, nomo lu iyape se iro ta'ame. Nomo iyape nomo lo fene ei ani arowei wou ta'ama. Aiwawe a'i nomo iyape nomo lo lu taune tere'e ei ani arowei wou ta'ama. Peri wiyeme a'i ne! Jisas Krais lai ane peri lo au te'e fiyariyei ne eimawesawi. Ane Jisas mi mi weriyei umasinamiteye. Serai ane fara'u iyape ano se fene ma'e ei ani aroweyei. Ahowa ane iyape ano ei ani aroweyei wou ta'ama. Ane meni yahowa'i a'i ne.

1 Tesalonaika 2:9

Kaiyemo mo nomo lo, tu naifa nomo fene mase iroteye su, fene yo seni nomo lo siye so'oruweteye. Nomo mi mi pasi pasi wiyawi tohote ta'aneteyewe, ma'aru tamo aniteye. Sosu nomo ayei tamo eteye. Nomo fene ma'e ayei tamo ei tatai ani ta'ame. Ahowa, nomo wiyawi ta'aneye su, nomo fene ma'e Owane Sitewi lo peri au te'e fiyariteye.