1 Korin 15:53 - Saniyo-Hiyewe

⁵³ Owane Sitewi lai nomo ma'e tahe pa'are he'i a'i aurowa su, tahe pa'are he'i a'i nomo lo uwaserowata. Awei tahe pa'are nomo lo temeniyerowa. Serai Owane Sitewi lai marepi hepene he'i a'i nomo ma'e aurowa su, marepi hepene he'i a'i nomo lo mi mi pasi pasi weriyei ironamitorowa.

1 Korin 15:53 ပူးပေါင်းရင်းမြစ်များ

Pol One Towe eite Omo Rom maꞌe Lese Ausawi 1:23

Lu taune ape mo Owane Sitewi weriyei weriyei ironamisiya ape, me'iyeni ma'e atati aruwe. Lowe Owane Sitewi ma'e au te'e nine'i wisereye te ta'ame. Lowe meni ta mi mi weriyei iro ta'ame ape, lo nihari hepene me se hawese ta'ane leseye. Lowe aiwawe a'i irowe, awiye, haru, lo hepene me se hawese ta'ane leseye.

Pol One Towe eite Omo Rom maꞌe Lese Ausawi 2:7

Lu taune tamo yo seni aseyaro a'i ironamiyei ape, Owane Sitewi lai lowe ma'e marepi hepene he'i a'i mi mi weriyei weriyei aurowa. Lowe lu taune tere'e ma'e yo seni wisere a'i au irowei su, Owane Sitewi lai lowe ma'e marepi wisere a'i lo aurowa. Sosu aiwawe a'i le lowe ma'e iyape wisere a'i lo aurowa. Sosu le lowe ma'e marepi hepene he'i a'i mi mi weriyei weriyei aunamitorowa.

Galesia 3:27

Serene Meni ta fene sa'i au huwe su, fene lu taune ma'e apou atuatu areiyeye, “Nomo Owane Sitewi lo eimane pefine a'i ne. Sosu nomo Krais lo yo seni wara'i a'i tote umasinamitorowa.”

Efesus 4:24

Marepi hepene he'i a'i, Owane Sitewi lai ta'ane ape, fene ma'e fa heneraire. Marepi hepene he'i a'i ape Owane Sitewi pefine aiwawe wou a'i ne. Le a'i lai meni aseyaro wara'i a'i ne. Yo seni lo wisere a'i tene. Serai fene aiwawe a'i yo seni aseyaro wisere a'i fa heneraire.

1 Jon 3:2

Kaiyemo mo ano! Nowe pereye a'i nomo Owane Sitewi lo eimane henerai. Sosu nowe ye'ewi su, nomo piye henerairowa awere? Nomo so'oru ta'ama. Ahowa, sosu etiri ta nomo so'oruwesiya. Krais si tame itoraiyei su, nomo le siyerowa. Serai nowe ape se nomo le wou aiwawe a'i heneraiyei. Sosu marepi hepene nomo lo wara'i a'i henerairowa.