1 Korin 1:8 - Saniyo-Hiyewe

⁸ Jisas Krais marepi hepene fene lo au ani ti kairefiye tawesinamitorowa. Serai nowe ye'ewi henerairowa su, le si tame itorairowa su, fene marepi hepene fene lo, Owane Sitewi lo nihe se, wara'i a'i ironamirowa.

1 Korin 1:8 ပူးပေါင်းရင်းမြစ်များ

Jisas Krais lo Peri Heneruwe, Luk leseteye ape ne 17:24

“Fene mera'o ne totere. Fene pasi a'i se mera'o siyeyei su, fene mera'o lo mi ni'arawe werese sahe tewi fiyari howeiyei. Sosu aiwawe a'i meni ape hire ma'e itorairowa ape, nowe ape se le hi awei ma'e itoraiyei su, lu taune werese omo omo werese sahe le ne aiwawe siyerowa.

Jisas Krais lo Peri Heneruwe, Luk leseteye ape ne 17:30

Sosu aiwawe a'i ane, meni hire ma'e itorairowa ape, si tame itorairowa su, lu taune werese yo seni luwaru a'i apou ape ironamirowa.

Pol One Towe eite Omo Rom maꞌe Lese Ausawi 14:4

Fene meni tere'e lo wiyawi yahowa'i ta'ane siye meni ape owe ape au te'e hese ereite. Ahowa, meni owane topo lo a'i lai yo seni lo ape au hese ereirowa. Serai ane fene ma'e au te'esiya. Owane Sitewi lo wiyawi ta'ane siye lu taune ne, lowe wiyawi wisere a'i ta'aneteye su, Owane Sitewi lai lowe ma'e au pati noweinoweiteye.

Pol One Towe eite Omo Rom maꞌe Lese Ausawi 16:25

Fene Owane Sitewi lo iyape pefine a'i te'e ani arowete. Fene Owane Sitewi lo peri heneruwe wisere a'i, ane lu taune ma'e au te'e areiye fiyarisiya ape, Owane Sitewi lai tote tawesiyei fene lo au kairefiyesiya. Peri heneruwe ape Jisas Krais ne te'esiya. Iyu menei tomu ne'ese a'i Owane Sitewi lai Krais lo peri heneruwe wiyeme a'i fareareteye. Ahowa, nowe eite se Owane Sitewi lai lu taune werese ma'e amerame a'i au atuatu areiyesiya.

Pol One Towe eite Omo Rom maꞌe Lese Ausawi 8:19

Etiri werese hi awei sahe, etiri werese ni'arawe sahe irosiya ape, Owane Sitewi lai ta'aneye. Lowe werese, marepi erasi a'i totenamisiya ape, Owane Sitewi lo nowe ariariyeye ape ne ninawesiya. Owane Sitewi lai etiri ape mo ma'e omo ipo pani werese ma'e irosiya ape mo, apou au te'erowa. “Fene eimane pefine a'i werese ano siyere!” Serai etiri werese Owane Sitewi lai ta'aneye ape, lowe nowe ape ne ninawesiya.

1 Korin 3:13

Meni ta me tou hire ma'e etiri ape mo se ta'aneyei su, Owane Sitewi lai etiri lowe lo ape mo siye eti ereiyei. Nowe ta se etiri werese lowe lo amerame a'i heneraiyei. Owane Sitewi lai etiri werese lowe lo yehe arineyei. Etiri wisere ape mo kairefi a'i teinamiyei. Yehe ape etiri ape mo ti siyeyei. Meni ta lo wiyawi wisere a'i awere? Luwaru a'i awere?

1 Korin 5:5

“Ne sepei Satan lo yo seni umasinamiteye su, ne le ma'e ire.” Le tahe pa'are no aine tera'e po'uteyei. Sepei Satan le ma'e fofowei erasi au irowei su, le yo seni luwaru a'i lo me'iyeni ma'e atati aruwei. Serai nowe ye'ewi se, Jisas Krais si tame itorairowa su, le marepi hepene he'i a'i meni ape ma'e aurowa.

2 Korin 1:13

Serai nomo fene ma'e peri nomo lo lese ausawi su, nomo peri fareyare a'i lese ta'ame. Fene peri nomo lo siye te'eyei su, fene peri sitewi werese wanu so'oruwerowa. Marepi ano apou a'i ne. Fene mi mi weriyei peri werese lo sitewi wanu so'oruwete.

2 Korin 1:14

Ahowa, fene peri nomo lo tewi a'i wanu so'oruweye. Nowe mo'o su, nomo peri werese nomo lo fene siye so'oruwereme. Aiwawe a'i nowe ape se, Meni Owane Jisas si tame aiyerowa su, nomo fene ne wisere erasi a'i nine'inamirowa. Sosu aiwawe a'i fene nomo ne wisere erasi a'i nine'inamirowa.

2 Korin 1:21

Sosu Owane Sitewi lai nomo, sosu fene werese aiwawe a'i, Krais lo iyape se tote tawesiyei nomo lo tei kairefiyeyei ne irowe. Le lai nomo werese yo seni aseyaro irowei ne ariariyeye.

Efesus 5:27

Krais lu tewi pefine lo ne temeniyeye su, le lu taune le ne tote tawesisiya ape, le ma'e ta'uwe hene anirowa. Lu tewi pefine a'i lo tani naituwei lo wou a'i ne. Tani naituwei lo mitaiyeyei erasi a'i henerairowa. Le yo seni marepi luwaru a'i apou ape irorowata. Ahowa, le yo seni marepi aseyaro wara'i a'i ironamitorowa.

Filipai 1:10

Ane fene ne Owane Sitewi ma'e apou au ei towerisiya. Fene yo seni aseyaro wara'i a'i sosu awei lo yo seni luwaru a'i siye eti areiyerowa. Fene yo seni apou ape siyerowa su, fene yo seni aseyaro wara'i a'i fu umasinamite. Serai nowe me'iye ape su, Krais si tame itorairowa su, fene marepi hepene fene lo aseyaro wara'i a'i ironamitorowa.

Filipai 1:6

Owane Sitewi lai wiyawi he'i wisere a'i lo ape fene ma'e au ta'ane atuatu areiyeteye. Nowe me'iye su Krais Jisas si tame itorairowa su, le fene ma'e wiyawi wisere a'i ta'ane tepa'asirowa. Etiri ape ane so'oruwesiya tene!

Kolosi 1:22

Ahowa, Meni Owane Krais me tape'i sahe temeniyeye su, le fene Owane Sitewi ma'e henetai. Le fene Owane Sitewi ma'e henetaiyei su, fene nati wafei pefine a'i lo henerai. Sosu yo seni werese fene lo Owane Sitewi lo nihe se aseyaro wara'i a'i ironamitorowa.

Kolosi 2:7

Fene Krais ne tote tawesiye su, le tote tawesiyei fene lo Meni Sitewi wiyeme pefine a'i henerai. Apou wou a'i me napi hi awei papu wisiya. Lu tamo Krais lo marepi fene ma'e au te'e atuatuteye su, lowe tote tawesiyei Krais ne fene ma'e auwe. Serai fene tote tawesiyei fene lo tei kairefiyenamite. Sosu fene Owane Sitewi ma'e erasi a'i au te'e wisereye nine'inamite.

1 Tesalonaika 3:13

Sosu Jisas Meni Owane nomo lo lu feni werese, le ne umasinamiteye ape, hi awei ma'e si tame itorairowa su, Owane Sitewi lai marepi hepene fene lo au ani kairefiyerowa. Nomo Owane Sitewi tai nomo lo sahe teitorowa su, Owane Sitewi lai yo seni pefine a'i lo marepi aseyaro fene lo papu irorowa. Owane Sitewi lo nihe se yo seni werese nomo lo wara'i a'i irotorowa.

1 Tesalonaika 5:2

Wiyeme a'i fene ta'u nowe eite se, Jisas si tame itorairowa ape, eresene a'i ta'arei meni wou a'i wesi ta sahe eresene a'i toso wiyei su, etiri tamo ta'arei anirowa.

2 Tesalonaika 2:2

Lu tamo fene ma'e apou au te'eye su, “Jisas Krais si tame fai.” Peri wawero! Meni Owane lo nowe ape se henerai se ta'ame. Lu tamo apou te'eyei su, “Nomo Pol lo one towe aniye, le apou eiye, ‘Krais si tame fai.’” Aiwawe a'i lu tamo apou eiye, “Owane Sitewi lo ipari nomo ma'e Jisas si tame itorai tepa'asiye ne, au te'eye.” Peri werese ape mo wawero a'i ne! Fene marepi fetane irote. Krais si tame fai ta'ama.

2 Tesalonaika 3:3

Ahowa, Meni Owane Pefine a'i lai lu feni lo au noweinoweisiya. Sepei luwaru pefine a'i fene aine tera'eyei ne totesiya. Owane Sitewi lai marepi fene lo au kairefiyeyei. Sosu le fene ma'e au noweinoweinamisiya.

2 Timoti 1:12

Sosu Owane Sitewi lai ane ariariyeye su, serai lu tamo ane ma'e au luwaruwesiya. Ahowa! Ane neritaseyeyei se ta'ama. Wiyeme, ane le ne so'oruwesiya! Ane marepi lo umasinamisiya. Nowe weriyei weriyei se, Owane Sitewi lai peri farere a'i lo le ane ma'e auwe ape, le etiri ape au noweinoweinamiyei.

2 Timoti 1:18

Meni ape omo Efesus sahe ane ma'e etiri tomu ne'ese ani pati aniye. Nowe ye'ewi se, Meni Owane nomo lo le ma'e ferafereiyei erasi au irorowa. Ne etiri apou a'i so'oruwesiya.

1 Pita 5:10

Owane Sitewi lai fene ei aniyewe, fene Krais mitaiyeyei erasi mase mi mi pasi pasi ironamiyei ne ariariyeye. Nowe pereye a'i fene fofowei erasi terite. Fofowei ape nowe oso a'i teriterowa. Fofowei fene lo i tepa'asiyei su, Owane Sitewi lai ferafereiyei werese a'i sitewi ape, le lai fene ma'e yo seni aseyaro a'i au irowei. Le marepi fene lo au kairefiyeyei. Tote tawesiyei ape lo lai au kairefiyeyei. Sosu le fene ma'e au tei kairefiyeyei.

2 Pita 3:10

Peri ano wanure! Nowe Meni Owane Pefine a'i lu taune au hese ereirowa ape, witane a'i henerairowa. Apou wou a'i ta'arei meni ta pasi etiri fareyare ta'areiyei. Nowe ape henerairowa su, etiri werese ni'arawe hire ma'e irosiya ape, no'u erasi se perati po'uterowa. Sosu awei pani werese yehe ti sero'o po'uterowa. Awei pani werese, etiri werese awei sahe irosiya ape, ti sero'o po'uterowa.

2 Pita 3:14

Serai kaiyemo mo, fene nowe ape ne ninawesiya su, fene Owane Sitewi ne tote tawesiyei fene lo kairefi a'i teite. Fene yo seni werese fene lo aseyaro wara'i a'i fu ironamite. Fene Krais lo marepi fetane a'i kairefi teite. Meni Owane Pefine a'i si tame itorairowa su, le fene ne marepi wisere a'i totenamirowa.