1 Korin 1:26 - Saniyo-Hiyewe

²⁶ Kaiyemo mo, nowe tu naifa, Owane Sitewi lai fene ei ani ta'ame su, fene nowe ape se totere. Fene werese awei lo marepi so'oru ta'ama. Fene werese lu owane pefine se ta'ame. Fene werese lu tewi fene lo kairefi a'i henerai ta'ama.

1 Korin 1:26 ပူးပေါင်းရင်းမြစ်များ

Jisas Krais lo Peri Heneruwe, Luk leseteye ape ne 10:21

Sosu a'i pe pereye nowe eite se, Jisas Owane Sitewi lo Hepene Wara'i a'i se Owane Sitewi Tai pefine a'i ma'e au te'e wisereyeteye. Le Owane Sitewi Tai Pefine a'i ma'e au te'eye, “Ane ne ma'e au te'e wisereyesiya. Ne omo hire ma'e no Meni Owane Pefine a'i ne! Awei hi ma'e aiwawe a'i ne. Ne Meni Owane Pefine a'i ne. Lu taune tomu ne'ese apou totesiya, ‘Nomo etiri werese siye so'oruwe tepa'asiye.’ Serai etiri werese ape mo, ne lowe ma'e au fareyaresiya. Ahowa, ne lu taune yahowa'i a'i ma'e etiri werese au atuatu areiyeye. Ei! Tai Meni Owane ano, ne etiri ape mo lowe ma'e, ne au fareyareye ape, ne lai marepi no umasinamiteye.”

Aposel 13:12

Meni owane tutawe ape etiri ape mo siyeye su, le Owane Sitewi ne hepene se su'ariye. Le Meni Owane Pefine ne tote tawesi umasiteye.

Aposel 13:7

Meni ape awei meni owane erasi ta iyape Sergius Paulus lowesi nati wafei wou titeye. Meni owane ape marepi wisere a'i toteteye. Sosu meni owane ape lai Barnabas, Sol, ei aniye. Le Owane Sitewi lo peri wanuwei ne toteye.

Aposel 17:34

Lu tewi oso a'i Pol lo marepi umasiteye. Lowe Jisas lo peri wanu tote tawesiteye. Meni ta'i iyape Dionisius, Areopagus lo meni ta'i iroteye. Meni tani tere'e ta iyape Damaris, aiwawe Jisas lo marepi umasiteye. Sosu lu taune tere'e tamo aiwawe a'i Jisas ne tote tawesi umasinamiteye.

Pol One Towe eite Omo Rom maꞌe Lese Ausawi 11:29

Tu naifa weriyei Owane Sitewi lai Israel lo lu tewi ape mo ariariyeye. Le lowe ma'e etiri tomu ne'ese auteye. Serai le lowe ne marepi topo lo atati toterowata.

1 Korin 1:20

Ane fene ma'e ei towerisiya, Eiwerou ma'e lu werese, etiri so'oruwesiya ape irosiya awere? Eiwerou ma'e leseyei siye lu werese irosiya awere? Eiwerou ma'e peri te'e te'e siye lu werese irosiya awere? Lu werese ape mo ariye tene! Owane Sitewi lai marepi wisere werese a'i lowe lo au meremereyeyei ne henerainamiteye.

1 Korin 2:13

Etiri ape mo, nomo lai au te'e fiyarisiya ape, awei lu tamo marepi wisere a'i lo se nomo ma'e au te'e atuatu ta'ame. Ahowa, Owane Sitewi lo Hepene Wara'i a'i nomo ma'e peri ape ne au atuatusiya. Le Owane Sitewi lo marepi pefine a'i sosu peri pefine werese a'i omo hire ma'e itorai ape, nomo lu taune ma'e Hepene Wara'i a'i lo irosiya ape, au te'e atuatu areiyesiya.

1 Korin 2:8

Awei lu owane werese, pereye nowe eite se irosiya ape, Owane Sitewi lo marepi wisere fareyareye a'i, lowe werese so'oru ta'ama. Lowe Owane Sitewi lo marepi wisere a'i, fareyareye a'i ape, ani so'oruweye su, lowe Meni Owane Pefine nomo lo, mitaiyeyei erasi se hire ma'e itorai ape, lowe le me tape'i sahe aine tera'e ta'ame.

Filipai 4:22

Lu taune werese werese Jisas lo yo seni umasisiya ape, lowe fene ma'e au te'e wisereyesawisiya. Lu taune tamo awei meni owane Sisar lo wesi sahe wiyawi ta'anesiya ape, lowe Jisas lo yo seni umasisiya ape, lowe aiwawe a'i fene ma'e au te'e wisereyesawisiya.

Jems 2:5

Kaiyemo mo ane fene marepi erasi a'i tote wawesiyenamisiya. Peri ano wanure! Owane Sitewi lai lu taune ma'aru etiri ariye ape mo lowe ne ariariyeye. Etiri werese omo hire ma'e irosiya ape, Owane Sitewi lai lowe ma'e etiri tomu ne'ese aurowa. Lowe Owane Sitewi ne marepi erasi a'i tote wawesiyenamisiya ape, Owane Sitewi lai tote tawesiyei lowe lo au kairefiyesiya. Le lai peri te'e naneiyei ape lowe ma'e au te'eye.

2 Jon 1:1

Ane, Owane Sitewi lo lu feni lo meni owane, menitani ta, Owane Sitewi lai ariariyeye ape, eimane werese lo aiwawe ma'e one towe eite ausawiyei. Owane Sitewi lo peri pefine a'i se ane fene marepi erasi a'i tote wawesiyesiya. Sosu aiwawe lu taune, tamo Owane Sitewi lo peri pefine a'i tote umasisiya ape, lowe fene ma'e marepi erasi a'i tote wawesiyesiya.