1 Jon 4:20 - Saniyo-Hiyewe

²⁰ Meni ta apou a'i te'esiya, “Ane Owane Sitewi ma'e marepi erasi a'i tote wawesiyesiya.” Sosu le meni ai marepi luwaru a'i au totenamisiya su, le meni ape areareyei a'i ne. Sosu lu taune tamo kaiyemo topo lo ma'e, le siyesiya ape, ai marepi totenamiyei. Sosu le Owane Sitewi ma'e, siyeye ta'ama ape, marepi erasi a'i tote wawesiyerowata.

1 Jon 4:20 ပူးပေါင်းရင်းမြစ်များ

Jisas Krasi lo Peri Heneruwe, Jon leseteye ape ne 13:35

Fene ta'i ta'i marepi erasi a'i tote wawesiye tiyatinamiteyei su, lu taune werese fene ne lu feni ano siye so'oruwerowa.”

1 Pita 1:8

Fene Owane Jisas Krais siye ta'ame. Ahowa, fene le ne marepi erasi a'i tote wawesiyenamisiya. Fene pereye nowe eite se, fene le siye se ta'ame. Ahowa, fene le ne tote tawesi umasinamisiya. Serai fene nine'iyei erasi a'i le ne totesiya. Nine'iyei erasi a'i fene lo erasi wiyeme a'i irosiya. Fene ahi se eiwerou au te'erowata. Nine'iyei ape Owane Sitewi lo mi erasi a'i teme'eriyesiya.

1 Jon 1:6

Nomo fene ma'e au te'esiya su, “Nomo Owane Sitewi mase marepi ta'i a'i irosiya.” Serai nomo nowe pasi a'i uweisiya. Apou a'i nomo yo seni luwaru a'i irosiya. Peri nomo lo wawero a'i ne. Sosu nomo peri pefine a'i iro ta'ame.

1 Jon 1:8

Nomo peri au te'e fiyariyei su, apou a'i te'esiya, “Nomo yo seni luwaru a'i irorowata.” Nomo ta'u peri wawero a'i au te'esiya. Sosu Owane Sitewi lo peri pefine a'i marepi nomo lo sahe iro ta'ame.

1 Jon 2:11

Ahowa, lu taune tamo kaiyemo lowe lo ma'e ai marepi luwaru a'i toteyei su, meni ape ya'ariyei lo yo seni ape sahe irosiya. Le ya'ariyei lo yo seni sahe umasinamisiya. Lowe pasi a'i wou uweisiya. Serai le marepi towafi lowe lo siye eti ta'ame. Sosu le meremereye a'i uweisiya. Le yo seni meremereye a'i uweisiya su, lowe lu nihe pokowe tawesiyei wou a'i ne.

1 Jon 2:4

Meni ta apou eisiya su, “Ane meni ape so'oruwe tene.” Sosu le peri topo lo ape arisiteye, meni ape peri wawero a'i meni. Sosu peri pefine a'i meni ape marepi papu iro ta'ame.

1 Jon 2:9

Lu taune ta apou te'esiya, “Ane mitaiyeyei wiyeme a'i sato irosiya.” Sosu lu taune tere'e ma'e ai marepi luwaru a'i totesiya. Meni ape ya'ariyei lo yo seni ape sahe umasinamisiya.

1 Jon 3:17

Meni ta etiri ma'aru tomu ne'ese irosiya. Sosu le meni tere'e ta etiri ma'aru ariye a'i se siyesiya. Meni ape lai meni tere'e ape au pati feraferei ta'ame su, meni ape Owane Sitewi lo marepi tote wawesiyeyei topo le papu iro ta'ame.

1 Jon 4:12

Lu taune werese werese Owane Sitewi ma'e siye ta'ame. Ahowa, nomo lu taune werese tiyati ma'e marepi erasi a'i tote wawesiyenamiye su, serai Owane Sitewi lai nomo marepi papu ironamisiya. Sosu Owane Sitewi lo marepi erasi a'i nomo ne teme'eriyenamisiya.