1 Jon 2:18 - Saniyo-Hiyewe

¹⁸ Eimane werese ano, nowe ye'ewi ataheyewa. Fene Krais lo airame aiyerowa ape, wanuwe. Sosu pereye nowe eite se Krais lo airame tomu ne'ese sato irosiya. Serai nomo etiri ape so'oruwe tene! Nowe ye'ewi heneraiyei ne ataheyeraiwa.

1 Jon 2:18 ပူးပေါင်းရင်းမြစ်များ

Matyu 24:11

Peri wawero a'i au te'e siye lu tomu ne'ese henerairowa. Lowe lai lu taune tomu erasi au te'e arearerowa. Lu taune tomu ne'ese peri wawero a'i ape wanurowa su, lowe peri ape wanu tote umasirowa.

Matyu 24:24

Lu tomu ne'ese fene ma'e henerairowa. Lowe peri wawero a'i apou au te'e fiyarirowa, ‘Ane meni ape, Krais, Owane Sitewi hi awei ma'e eimawe arosai.’ Peri wawero a'i au te'e siye lu tomu ne'ese henerairowa. Lowe wiyawi erasi pefine a'i lu taune ma'e au atuaturowa. Lowe yaru erasi pefine a'i lu taune ma'e au atuaturowa. Lowe lu taune tomu ne'ese au te'e arearerowa. Lu feni ano Owane Sitewi tu naifa ariariyeye ape, lowe lai marepi lowe lo tore tatai anirowawe, lowe lu feni ano areareyei ne toterowa. Fene wiyawi lowe lo siyerowa su, fene peri lowe lo owe ape umasire.

Matyu 24:5

Lu tomu ne'ese iyape ano se aiyerowa. Lowe apou au te'e fiyarirowa, ‘Ane a'i lai meni tutawe, Owane Sitewi hi awei ma'e eimawe arosai.’ Lowe lu taune tomu ne'ese au arearerowa. Lu taune peri lowe lo wanurowa su, lowe lu ape mo tote umasirowa.

Krais lo Peri Heneruwe, Mak leseteye ape ne 13:6

Lu ne'ese iyape ano se aiyerowawe, apou au te'eyei, ‘Ane a'i lai meni ape tene! Owane Sitewi lai ane fene ma'e eimawesai.’ Peri ape wawero a'i tene! Lowe lu taune tomu ne'ese ma'e au te'e arearerowa.

Jisas Krasi lo Peri Heneruwe, Jon leseteye ape ne 21:5

Serai Jisas lowe ma'e ei toweriye, “Eimane, fene hare tamo anisiya awere?” Lowe le ma'e itiya'u eiye, “Ahowa, nomo hare werese ariye.”

Pol One Towe eite Omo Rom maꞌe Lese Ausawi 13:11

Serai fene etiri werese ape ironamite. Fene nowe eite, nomo irosiya ape, siye so'oruwesiya. Nowe pefine a'i Owane Sitewi lo ariariyeye ape heneraiwa. Serai fene nihe fene lo petenere. Nihe fene lo owe ape niso'ute! Nowe ape se nomo Jisas Krais ne tote tawesiye su, nomo marepi hepene he'i a'i aniyei ne ataheyeraiwa.

Pol One Towe eite Omo Rom maꞌe Lese Ausawi 13:12

Peri anowe ta apou te'esiya. Nowe esi pasi heneraiwa. Nowe mitaiyeyei ataheye heneraiwa. Serai yo seni luwaru werese a'i nomo pasi a'i sahe iroteye ape mo, arunatite. Ahowa, nomo yo seni aseyaro a'i ani asi arote, ipari tahe wou ani asisiya.

Hibru 1:2

Ahowa, pereye nowe eite henerai su, le meni eime lo nomo ma'e au te'eyei ne eimawe arosai. Tu naifa weriyei Owane Sitewi lai le ma'e awei pani, etiri werese au ta'aneyei ne auwe. Le nowe ye'ewi se le etiri werese werese a'i ape mo aniyei ne ariariyeye.

1 Pita 1:20

Tu naifa weriyei weriyei Owane Sitewi awei pani werese ta'ane ta'ame su, Owane Sitewi Meni Krais lu taune lo yo seni luwaru a'i ete aniyei ne ariariyeye. Pereye nowe eite se le hi awei ma'e amerame a'i fene au pati ferafereiyei ne itorai.

1 Pita 1:5

Fene lai Krais ne tote tawesi umasisiya. Serai Owane Sitewi lai fene kairefi lo se au noweinoweisiya. Le lai fene mi mi pasi pasi au noweinoweiteyei. Serai nowe ye'ewi su, Owane Sitewi lai lu taune werese ma'e amerame a'i au atuaturowa. Le lu taune, le ne tote tawesiteye ape, omo hire ma'e hene ani wirowa.

1 Pita 4:7

Nowe ye'ewi ataheyewa. Serai fene marepi wisere a'i tote etire. Fene yo seni wara'i a'i irote! Fene marepi wisere a'i toteyei su, fene fara'u Owane Sitewi ma'e au te'e tiyatiteyei.

2 Pita 2:1

Tu naifa Owane Sitewi lo peri au te'e siye lu tamo peri wiyeme a'i au te'eye su, areareyei lu tamo henerai. Lowe god wawero a'i lo peri Israel lo lu taune ma'e au te'eteye. Aiwawe pereye a'i god wawero lo peri au te'e siye lu fene mase heneraiyei. Lowe peri wawero eresene a'i au te'e fareyare atuatusiya. Peri wawero lowe lo Owane Sitewi ne tote tawesiyei fene lo au luwaruweyei. Lowe Meni Owane Pefine a'i me'iyeni ma'e atati tei awetowe. Meni Owane Pefine a'i lai lowe itiya'u au ete tepa'asiye. Ahowa, lowe Meni Owane Pefine a'i me'iyeni ma'e atati awetowe. Lowe yo seni luwaru a'i apou ape iroteye su, nowe ye'ewi se Owane Sitewi lai witane a'i yehe omo ma'e eimawe arosawirowa.

2 Pita 3:3

Wanure! Fene etiri ape wanu so'oruwete. Nowe ye'ewi se lu tamo Owane Sitewi ne peri te'e naruwei ne henerairowa. Lowe marepi luwaru a'i towafi lowe lo tote umasirowa.

1 Jon 2:22

Eiwerai peri wawero meni awere? Peri wawero meni apou a'i te'esiya, “Meni ape Jisas, le Krais ta'ama.” Meni ape lai Tai pefine a'i au te'e naruwe, sosu aiwawe a'i le me'iyeni ma'e atati arunati. Le Owane Sitewi lo meni eime ne me'iyeni ma'e atati arunati.

1 Jon 4:1

Kaiyemo mo ano, au te'e siye lu wawero a'i tomu ne'ese, omo omo werese irosiya ape, au te'e fiyariteye. Fene peri lowe lo ape owe ape wanu umasite. Ahowa, fene peri ape fa wanu eti noweinoweire. Peri ape Owane Sitewi ma'e fai awere? Satan ma'e fai awere? Owane Sitewi lo Hepene Wara'i a'i au te'e siye lu ma'e au te'eye awere? Piyete awere?

1 Jon 4:3

Ahowa ipari ta apou au te'esiya, “Nomo Jisas Krais so'oru ta'ama.” Ipari ape Jisas lo ipari airame. Tu naifa fene Krais lo ipari airame aiyeyei ne wanuteye. Pereye nowe eite se Krais lo airame omo omo sato heneraisiya.

2 Jon 1:7

Fene Owane Sitewi lo tote wawesiyeyei papu ironamirowa su, lu tamo fene arearerowata. Lu taune areareyei a'i tamo peri wawero au te'e fiyarisiya. Lowe peri wawero apou a'i te'esiya. “Tu naifa Jisas Krais tahe pa'are se itorai ta'ama.” Lowe omo werese ma'e peri wawero lowe lo ape au te'e fiyarititeye. Marepi apou ape lai sepei luwaru areareyei a'i ma'e fai. Le Krais ma'e airame ai atu tiyatinamisiya.

Jut 1:18

Lowe apou a'i au te'e areiyeye, “Nowe mi mi ye'ewi ataheye tepa'asiye su, lu taune tamo Owane Sitewi lo marepi werese ma'e te'e narurowa. Lowe marepi luwaru a'i towafi lowe lo umasinamirowa.”