Yowani 9:7 - Seysyo No Tao

⁷ Maniring jya si Yeso am, “Angay oyasi do nibneng da ranom a yameyngaran so Siloya.” O peypeypangayan no Siloya am Nipahanhan. Karahan am mangay na rana oyasan. Meysinaoli am makacita rana.

Yowani 9:7 ပူးပေါင်းရင်းမြစ်များ

Matay 11:5

do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da a tao.

Locya 13:4

No kazday na no makarang a nyatoy da no tao do Siloya am wao so ikakarwan (18) sira o nikazdayan a kapacitopos da. Ji nyo akwan o karakorako no raraten da kano meyvahay do Yelosaleng a tao an.

Locya 2:32

Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”

Yowani 10:36

Am yaken rana am na nitovoy yaken ni Ama do teyrahem. Ko ipanci pa am Anak na yaken ni Ama ta do to. Ikongo nyo pancyan nyaken a yajyaninig ni Ama ta do to.

Yowani 11:37

Maniring o tatasa jira am, “Niwakwakan na o mata na no mavota tao am ikongo na ji ngiwakwaki ji Lasalo no keyngen na kaji na rana limanan.”

Yowani 9:11

Maniring o tao ori am, “O yasa ka tao a meyngaran so Yeso am yanimapakoris do mata ko so tana, na kapanci nya jyaken so, ‘Angay oyasi mata mo do nibneng da ranom a yameyngaran so Siloya.’ Ko mangay oyasan am ko na to makacita rana.”

Yowani 9:39

Maniring si Yeso am, “O peypeypangayan no yako nyai do teyrahem am ko mapeykapyapinpin so tao. Ko iwangan o mata da no yakmey mavota so pahad a tao a kapakacita da rana. O mapakateneteneng do nanao na ni Ama ta do to am meyvaliw rana sira akmey mavota, abo so katentenngan.”

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.