Yowani 9:4 - Seysyo No Tao

⁴ Ahapen ta o vazay na no yanimapahanhan jyaken do ikavyay ta pa. Ta no si mawakwak ta rana am ji ta na makapeyvazay.

Yowani 9:4 ပူးပေါင်းရင်းမြစ်များ

Matay 20:7

Maniring sira am, ‘Yabo yamanci nyamen a yameyvazay.’ Maniring jira am, ‘No komwan am to kamo nangai a meyvazay do nihakawan ko.’

Make 3:3

Maniring si Yeso do meykazakazain so lima tao am, “Sijya do tangain ko.”

Yowani 10:32

Maniring si Yeso jira am, “Yaro rana o yanyo nimacita a ko pangarilawan a na nitoro a vazay na ni Ama. Am ikongo yamarahet dang a vazay ko a yanyo kato meyvatwan nyaken.”

Yowani 10:37

No ko ji ngapa o vazay ni Ama am ji nyo nganoyngi yaken.

Yowani 12:35

Maniring si Yeso am, “Alikey o iyan na jinyo no zezak. Makabezbez kamo a omalam do iyan na pa no zezak. Ta no masari rana am ji nyo na cita o pangonongan nyo.

Yowani 17:4

Ko na nipacita o azwazway mo do karawan. Ta ko na nipakavos o vazay a mo nitoro jyaken.

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 5:19

Maniring pa jira si Yeso am, “To ko na macitangayan jinyo am no ko to mangozai o kataotao ko am abo mahap ko a vazay. Am ko na nimacita o vazay ni Ama. Am ori o ko to ngamooni sya peyvazain. O vazay ni Ama na am vazay no Anak na.

Yowani 5:36

Am patwawen ko pala o makdekdeng pa vazay ko a kano mina ciring ni Yowani. O vazay rana ori am nitoro na jyaken ni Ama a pakavosen ko. O vazay rana ori am yongkad ko ori a nitovoy ni Ama.

Yowani 7:33

Maniring si Yeso am, “Yalikey rana o ipacikaop ko jinyo a kapeysinaoli ko na mangay do yanitomovoy jyaken do karawan.

Nimlivolivon 4:20

Jyabo kaji namen mancyan no namen nimacita kano namen nimamizing a.”

Cyalatay 6:10

Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

Ivoso 5:16

No to ngyan so sidongen a tao am sidongen nyo sira. Ta ji nyo painini. Ta aliket rana o ta iyan do karawan.

Kelosi 4:5

Apzatan nyo o iwawalam nyo a kano ciriciring nyo, ta peycitacittan da inyo no ji manaralay so Tao do to. Makateteneng kamo a meylimwang no nanao ni Ama ta do to jira.