Yowani 9:3 - Seysyo No Tao

³ Maniring si Yeso am, “Beken a raraten na. Beken a inyapwan na o na ikavota. Ta peymatamatan da jya no tao so vazay na ni Ama ta do to do yamavota a tao eya.

Yowani 9:3 ပူးပေါင်းရင်းမြစ်များ

Matay 11:5

do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da a tao.

Yowani 11:4

Maniring si Yeso do pakamizngan na sya am, “Jyabo kato na rana wakwakan ni Lasalo no ingingnen na ori a. O ikakman na sang am azwain si Ama ta do to a kapacyazway na no Anak na.”

Yowani 11:40

Maniring si Yeso jya am, “Nipanci ko na jimo asyo o, ‘No si anoyngan mo am macita mo o mapeyzokab a oyowyat ni Ama ta do to,’ kwan ko imo asyoo.”

Nimlivolivon 28:4

Macita da no meyili dang a tao am maniring sira am, “Yajya nimangap so tao ya. Tana yaji nimawakwak ya do karakwan no awa am oya rana na masapa a alalaw na, do na kapeyraraten.”

Nimlivolivon 4:21

Meyratateng am peyparowen da o ciring da yalalaw da sira kapasaway da rana sira. Ta ji da kala o karatan da, a macyoman pa o kanyahey da no aro a tao ang a somaray nya ji Ama ta do to, do mapeyzokab a vazay na do nimapilay ang.

1 Yowani 4:16

Tamo anoyngan na karilaw nyaten ni Ama ta do to. Ta si Ama ta do to am yapwan no pangangarilawan. O yanan no pangangarilawan ni Ama ta do to a tao am macikaop ji Ama ta do to. So icyakman na sang ni Ama ta do to a macikaop jya.

1 Yowani 4:9

Na nitovoy ni Ama ta do to o veyvowen a Anak na a yamapacita no pangangarilawan na jyaten. So ikanoyong ta makahap so to meyyonong a ikavyay no pahad ta.