Yowani 8:9 - Seysyo No Tao

⁹ Mamizing da o ciring na am to sira teyteyras a mangay rana, amyapo do ney rakeh na kangay na do ney anak na a to rana teyteyras a mangay, a kararwa da rana ni Yeso a kano mavakes ang nimavezed.

Yowani 8:9 ပူးပေါင်းရင်းမြစ်များ

Locya 13:17

Mamizing da o ciring ni Yeso no maoya nya tao am meylatlatlat sira. Am nisaray da no aro a tao o mina vazay na jira.

Yowani 8:10

Karahan am meytatanek si Yeso. Maniring do mavakes ori am, “Wanjin da nyangayan no aro a tao ang. Yabo rana sira o yamakalavat so raraten mo ang?”

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Yowani 8:2

Apnezak do ikadwa na araw am meysinaoli a mangay do rako a panaralayan. Aro sira tao a mangay komala sya. Karahan am amlisna si Yeso amnanao sira.

Yowani 8:3

No kanang am nyangay da no mangnanao no iwawalam ni Moyse a tao a kano tao a macyagom do Vadisay o asa ka mavakes. Iya rana am nisomagpyan a nyapisan da. Karahan am patanken da ori do tangain ni Yeso.

Yowani 8:8

Teyka na ori a ciring ni Yeso am mirwa pa meylologod a meyvatvatek no tanoro na do tana.

Loma 2:15

O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

Loma 2:22

No kamo maniring am, “Ji mangzakza so icyatatao,” am nyo ikakman sang. Nyo ikaoya o yamanaralay so malas a da iraralay. Am ikongo yanyo ipanakaw do panaralayan da.

1 Yowani 3:20

a makanakem so mina raraten ta. Ta ipeyhanhan ta o kavonas na ni Ama ta do to so raraten ta, do katey rako no pangangarilawan na ni Ama ta do to.