Yowani 7:6 - Seysyo No Tao

⁶ Maniring jira si Yeso am, “Beken a araraw na pa ya no kapatwaw ko so vazay ko. Am inyo am apya jinyo.

Yowani 7:6 ပူးပေါင်းရင်းမြစ်များ

Matay 26:18

Maniring si Yeso am, “Angay kamo do ili. Si makasinmo kamo so tao am si maniring kamo jya am, ‘Kwan na no yamnanao jyamen am: Yarana marateng o araraw no ikawakwak ko. So yana raran so macinanao jya yamangay do vahay nyo a yamamaring so kanen do Iyeci.’ ”

Yowani 13:1

Kasaraw pa kapamaring da na so kanen do ngaranan da Iyeci am katenngan na rana ni Yeso o kakeykai na rana meysinaoli ji Ama na do to. Na tey karilaw o omanoyong jya tao do karawan. Tana marateng rana o ikawakwak na am ji namtadan o karilaw na nira.

Yowani 17:1

Mateyka ni Yeso o ciring na am tangarahen na o hanit. Maniring am, “Mo Ama, oya rana o araraw. Azwazwain mo o Anak mo. So icyakman na sang no Anak mo a zomwazway jimo.

Yowani 2:4

Maniring si Yeso am, “Mo ina, ji mo to gacigaci yaken an. Ta beken pa ya araraw na no yako ipeyvazay.”

Yowani 7:30

Karahan am naknakmen da rakpen am abo tao a manapet jya, ta beken a araraw na pa no irakep da sya.

Yowani 7:8

Angay kamo a mamaring so kanen. Jyabo kangay ko sicyaikwaya. Ta beken a araraw na pa ya no yangay ko.”

Yowani 8:20

O ciring rana ya am mina ciring ni Yeso do pangapangayan da so kingking da a kavangan do rako a panaralayan da. No kanang am abo tao a amrakep sya. Ta beken pa araw na no irakep da si Yeso.

Nimlivolivon 1:7

Maniring jira si Yeso am, “O akman rana sang a vazay a kano araraw na am si Ama ta do to o makateneng jya.