Yowani 7:30 - Seysyo No Tao

³⁰ Karahan am naknakmen da rakpen am abo tao a manapet jya, ta beken a araraw na pa no irakep da sya.

Yowani 7:30 ပူးပေါင်းရင်းမြစ်များ

Yowani 10:39

Makarahan am naknakmen da o karakep da sya am kanikomaro na rana jira.

Yowani 8:20

O ciring rana ya am mina ciring ni Yeso do pangapangayan da so kingking da a kavangan do rako a panaralayan da. No kanang am abo tao a amrakep sya. Ta beken pa araw na no irakep da si Yeso.

Yowani 7:6

Maniring jira si Yeso am, “Beken a araraw na pa ya no kapatwaw ko so vazay ko. Am inyo am apya jinyo.

Yowani 7:32

Mamizing da no tao a macyagom do Vadisay o kazyak da ni Yeso am mapahanhan sira kano panipanirsirngen no mapatanatanang so nakem da si Ama ta do to so mamzamzat a mangay amrakep si Yeso.

Yowani 11:57

Nipanci da na no tao a macyagom do Vadisay a kano panipanirsirngen no mapatanatanang so nakem da si Ama ta do to do aro a tao o kapanci da no yanan ni Yeso, ta mangay da rakpen.

Yowani 9:4

Ahapen ta o vazay na no yanimapahanhan jyaken do ikavyay ta pa. Ta no si mawakwak ta rana am ji ta na makapeyvazay.

Yowani 8:59

Mangap sira so veysen a igseh da ji Yeso am kanitomayo na makowbot do rako a panaralayan.

Yowani 8:37

Ko inyo katenngan a komownongan ji Apolahan am inyo am nyo naknakmen o nyo kawakwak jyaken. Ta nyo ji ngapa o nanao ko.

Yowani 7:19

Si Moyse rana am nitoro na jinyo o iwawalam ni Ama ta do to. Am yabo jinyo o yamanoyong a yamangozay jya. Ikongo nyo naknakman so nyo kawakwak jyaken.”

Yowani 7:8

Angay kamo a mamaring so kanen. Jyabo kangay ko sicyaikwaya. Ta beken a araraw na pa ya no yangay ko.”

Locya 22:53

Ko mangday so araraw a yamacitovong jinyo do rako a panaralayan am yanyo ji ngapa yaken. Am na karateng rana no araraw a yanyo yahap jyaken do na katalamozong ninyo ni Satan.”

Locya 20:19

O mangnanao no iwawalam ni Ama ta do to a kano panipanirsirngen da no mapatanatanang so nakem da si Ama ta do to am makazazap da o nanao ni Yeso a paingen na jira. Am ori o naknakman da so karakep da sya. Am ikanyahey da o aro a tao.

Make 11:18

Mamizing da o ciring na no panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to am naknakmen da o kawakwak da si Yeso. Am ikanyahey da si Yeso, ta tey yaro o tao a omanod do ciring na.

Matay 21:46

Am ori o naknakman da rana so karakep da sya. Am kanyahey da no aro a tao. Ta anoyngan da no aro a tao si Yeso a panoyonoywan na so ciring ni Ama ta do to.

Yowani 10:31

Karahan am mangap sira o tao do Yotay so veysen a igseh da jya.

Matay 12:14

Makowbot sira o tao a macyagom do Vadisay do peyneynozyan am ipeysirsiring da o kacivet da ji Yeso.