Yowani 6:2 - Seysyo No Tao

² Macita da no aro a tao si Yeso a nimangiwakwak so tao am onotan da.

Yowani 6:2 ပူးပေါင်းရင်းမြစ်များ

Matay 12:15

Mamizing ni Yeso o kapacioya da jya am karwan na do dang. Am aro sira o tao a macihza jya. Ori o niwakwakan na do meykeyngeyngen a tao.

Matay 13:2

Aro tao a meylovolovot do tangain na. Am ori o nizagpit na do vazangay a omlisna. O aro a tao am meytatanek sira do pamsan na.

Matay 14:14

Makaranes si Yeso do pamsan na am macita na o aro a tao. So nikarilawan na nira. Am ori o niwakwakan na do ingingnen da no meyngen a tao.

Matay 8:1

Omosok si Yeso a apo do tokon am onotan da no aro a tao.

Make 1:45

Am makowbot o tao ori am to na rana meylimwangan do aro a tao. Am ori o ji na rana nimangai do ili ni Yeso. So niseysan na do siri no ili da. Ta jyates sira o aro a tao do peycyeylilyan na mangay komala sya.

Make 6:33

Am macita da sira no aro a tao am to da rana tenngi o angayan da. Am ori o nipanmanma da rana no aro a tao do peycyeylilyan a mangay do angayan ni Yeso a kano macinanao jya.

Yowani 11:47

Am ori o nipeykaygi da no tao a macyagom do Vadisay a kano panipanirsirngen da no mapatanatanang so nakem da si Ama ta do to. Maniring sira do kaygi da am, “Yatey yaro o mapeyzokab a vazay na mina vazay. Meypanngonngo tamo.

Yowani 12:18

Ori o nyangay da no aro a tao a mangay amrapong sya. Ta nimamizing da o kanimapeyvangon na si Lasalo.

Yowani 12:37

Tana aro o yongkad na apo ji Ama ta do to am ji da nganoyngi si Yeso.

Yowani 2:11

Oya rana am ney manma na vazay ni Yeso a yongkad no kayapo na ji Ama ta do to. Ori rana am mina vazay na ori ni Yeso do Cyana do Cyadidi. O vazay rana ya am ipacita na o admadmay na do tao. Nimacipinda do dang o nyanoyngan da rana jya no macinanao jya.

Yowani 2:23

Amyan si Yeso do Yelosaleng a macipamaring so kanen do Iyeci am aro tao a nimakacita so vazay na a yongkad no kapo na ji Ama ta do to. Am ori o nyanoyngan da rana jya.

Yowani 20:30

Aro pa dang o mina vazay na do tangain no macinanao jya mapeyzokab a vazay. Am yajya nipadket do vakong eya.

Yowani 3:2

Ipisa kahep na am mangay ji Yeso. Maniring jya am, “Mo Mangnanao, namen katenngan imo a mangnanao a nitovoy ni Ama ta do to a yamangnanao so tao. No yabo si Ama ta do to a yasomidong jimo a meyvazay a mapatwaw so kayapo mo jya am abo tao a makapeyvazay sya.”

Yowani 6:14

Macita da o mina vazay ni Yeso a yongkad no kayapo na ji Ama ta do to am maniring sira am, “Oya saon o da ipanci a yamai do teyrahem a panoyonoywan na so ciring ni Ama ta do to.”

Yowani 6:22

Ikadwa na araw am katenngan da no aro a tao si Yeso a jya nimacihza do macinanao jya. Ta nimacita da si Yeso a jya nimacikavang jira do tataloran no kakaod da sya no macinanao jya. Ta asa o tataloran a nimacita da do dang.

Yowani 6:26

Maniring si Yeso am, “To ko na macitangayan jinyo am o nyo kalan jyaken am beken a nyo kanimakacita so ko nipatwaw a yongkad do kanimapo ko ji Ama ta do to an. Ta nyo kakzeben o nyo kabsoy.

Yowani 6:30

Maniring sira am, “No komwan am patwaw pala so yongkad mo a nimapo ji Ama ta do to. Ta ori o anoyngan namen jimo.