Yowani 5:7 - Seysyo No Tao

⁷ Maniring o meyngen a tao ori am, “Mo kahakay, no kapeygonagonay no ranom am yabo yamarilaw nyaken a yamapangay jyaken do ranom. Yako naknakmen o yako kagonagonay so peyvongvongwan ko a somivoz do ranom am yarana myan so tao a yanimanmanma pa ka nyaken a nisomivoz.”

Yowani 5:7 ပူးပေါင်းရင်းမြစ်များ

Yowani 5:2

Amyan do Yelosaleng so ngaranan da Pazezevngen no kagling. Am amyan do siri na so meybebneng a ranom. O ingaran da jya no Sipolay a tao am Peyseta. O livolivon no meybebneng a ranom am meykalima o tezantehed do dang.

Yowani 5:3

O tezantehed rana ori am meycyeyreyray sira dang o meykeyngeyngen a tao. Sira rana ori am amyan jira ang so mavota kano ji makakalam a kano ji makapeygonagonay a tao. [Sira rana ori am panalahen da o kapeygonagonay no ranom.

Yowani 5:4

Ta o tinsi ni Ama ta do to am mangay na gonagonain o ranom ang. Anoyngan da o kato na rana apyan no ingingnen no ney manma a somivoz do ranom ang.]

Yowani 5:6

Macita na ori ni Yeso a ji meyvangon am katenngan na o kownay na rana nimeyngen. Maniring jya am, “Kokay. Mo ikakza o kavonas rana no ingingnen mo an?”

Loma 5:6

No kakwa pa am abo oyowyat ta a komaro do peyraratenan ta. Am kanimangozay na jya ni Kizisto do nipamnekan ni Ama ta do to a araraw a mangay mawakwak nyaten.

1 Kedinto 9:24

Katenngan nyo an. Tana aro o macipalalayo a tao am asa saon o azawen da am. Akman kamo so sang an, a makdeng a malalayo a kapakahap nyo so yazaw na jinyo ni Ama ta do to.