Yowani 4:19 - Seysyo No Tao

¹⁹ Maniring o mavakes am, “Mo kahakay, ko imo citahen eya am ala panoyonoywan na imo so ciring ni Ama ta do to.

Yowani 4:19 ပူးပေါင်းရင်းမြစ်များ

Matay 21:11

Maniring sira o aro a tao a macihza ji Yeso am, “Iya rana am yapo do Cyadidi a yameyvahay do Nasale a panoyonoywan na so ciring ni Ama ta do to a meyngaran so Yeso.”

Locya 24:19

Maniring si Yeso am, “Ikongo a vazay.” Maniring sira am, “Vazay na ni Yeso a tao do Nasale. Iya rana am panoyonoywan na so ciring ni Ama ta do to, tey mowyat so ciriciring do tangain ni Ama ta do to a kano aro a tao.

Locya 7:16

Ori o nisavasavakan da nya no aro a tao a kasaray da nya ji Ama ta do to. So peycirngan da so, “Oyod a myan jyaten so panoyonoywan na so ciring ni Ama ta do to.” Maniring sira pa am, “Yanimakaranes rana o yamapatazadang jyaten.”

Locya 7:39

Macita na no tomaotao si Yeso a tao a macyagom do Vadisay am naknakmen na do onowned na am, “No yamanoyong o tao eya yapo ji Ama ta do to am jyabo na kaji makatenngan do vazay na no yaminan jya mavakes eya.”

Yowani 4:18

Am imo rana am yalalima rana sira o kahanghangan mo. O katovong mo sicyaikwaya am beken a meyngongyod a katovong mo do vahay. Yamanoyong o ciring mo jyaken.”

Yowani 4:29

Maniring am, “Citahey kamo o yasa ka tao a yato mimin so mina vazay ko a yapatwawen. Ala Misayya o ito.”

Yowani 6:14

Macita da o mina vazay ni Yeso a yongkad no kayapo na ji Ama ta do to am maniring sira am, “Oya saon o da ipanci a yamai do teyrahem a panoyonoywan na so ciring ni Ama ta do to.”

Yowani 7:40

Mamizing da o ciring ni Yeso no aro a tao am maniring o karwan da am, “Yamanoyong oya tamo nanalahen a panoyonoywan na so ciring ni Ama ta do to.”

Yowani 9:17

Makarahan am pacicin da pa o tao ori. Maniring sira am, “Yana imo niwakwakan so mata am ikongo o ciring mo so tao ang.” Maniring o tao ori am, “Iya rana am panoyonoywan na so ciring ni Ama ta do to.”