Yowani 3:8 - Seysyo No Tao

⁸ Na to ngonongonongi o na pabzotan sya no pagpag. No nyo mamizing o na pavyoten a pagpag am nyo jyatenngi o na kapwan. Nyo jyatenngi o na angayan. O nimapodpod do Seyzi am akman sang an.”

Yowani 3:8 ပူးပေါင်းရင်းမြစ်များ

Yowani 1:13

Am beken a meyngongyod sira ori a nimapodpod so kataotao ji Ama ta do to, ta omaing do kanoyong da ji Ama ta do to. Am ori o abnekan na sira akma ney anak.

Yowani 3:7

Ji mo ngyakan o kapanci ko no katazak mo a tao an.

Yowani 3:9

Maniring si Niketemo am, “Ta to na akmani so sang!”

Nimlivolivon 2:2

To da amizing o akmey rako a pagpag apo do teyngato. So mina to nagnozi no yanan da vahay.

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

1 Kedinto 12:11

Am o yamakakaday a oyowyat a kano teneteneng am asa o na yapwan. Iya rana am Seyzi a mangay tomoro no oyowyat na do aro a tao. Ori rana am nakenakem na no Seyzi o katoro na nya jyaten so oyowyat ta kano teneteneng ta.

1 Kedinto 2:11

Ji ta tenngi o nakenakem da no tao, ta o kataotao da o makateneng jya. Akman sang an, ta o Seyzi na ni Ama ta do to o makateneng do makakaday a vazay na ni Ama ta do to.

1 Yowani 2:29

Katenngan nyo o kabo no kararatan ni Kizisto. O tao rana abo so karatan a mangozay do nanao ni Ama ta do to am manoyong a anak ni Ama ta do to.