Yowani 3:5 - Seysyo No Tao

⁵ Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.

Yowani 3:5 ပူးပေါင်းရင်းမြစ်များ

Matay 18:3

Maniring si Yeso am, “To ko na macitangayan jinyo am no si mamlis kamo akman so kanakan eya am ori o ipacikaop nyo do tao a italamozong na ni Ama ta do to.

Matay 19:24

Ko pa ipanci jinyo am mowwamek pa o meykavokovokoz so likod a baka a lomyos do lala no rayom a kano aro so peymeymasaodan a macikaop do italamozong na ni Ama ta do to.”

Matay 21:31

Manngwa, sino jira ang o nimahap so ciring no ama da.” Maniring sira am, “O rakerakeh ang.” Maniring si Yeso am, “To ko na macitangayan jinyo am manmanma pa sira ka ninyo o mapeyvazay so deyking a tao a kano somagpyan a mavakes a macikaop do italamozong ni Ama ta do to.

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Matay 3:11

Ko taktakan inyo no ranom do nyo na kapamlis. Am o manownowji pa ka nyaken a yamai am taktakan na inyo no Seyzi a kano apoy. So ikaizaizay na pa ka nyaken. So ji ko macingai jya.

Matay 5:20

Am ori o ko pancyan ninyo a makowyowyat pa kano mangnanao no iwawalam ni Ama ta do to a tao a kano tao a macyagom do Vadisay a mapeyvazay so vazay na ni Ama ta do to. Ta ori saon o ipacikaop nyo do italamozong na ni Ama ta do to am.

Make 10:14

Macita na sira ni Yeso o macinanao jya omza sira am maoya o aktokto na. Maniring jira am, “Pancyan kamo sira o kanakan a mai jyaken. Ji nyo ngaza sira, ta o italamozong na ni Ama ta do to a tao am akman sira so kanakan eya.

Make 16:16

O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan.

Make 9:47

No si asa ka mata mo o nipeyraraten mo am to rana ngoswa. Tana asa mata a kapakasalap do italamozong ni Ama ta do to am apyapya pa ori a kano meynanod so mata mangay do kararatan.

Locya 13:24

“Makowyat kamo a omyavayo so macicya onowned nyo. Ko pa ciring jinyo am aro tao a makza no kasdep da macikaop do italamozong na ni Ama ta do to. Am ji sira makasdep a macikaop jira.

Locya 13:3

Beken a akman sang. Ko pa ciring jinyo am no si ji kamo mamlis am akman kamo so sang a mawakwak.

Locya 13:5

Ko pa ciring jinyo am no si ji nyo ablisi o kapeyraraten nyo am akman kamo so sang a macitopos.”

Yowani 1:13

Am beken a meyngongyod sira ori a nimapodpod so kataotao ji Ama ta do to, ta omaing do kanoyong da ji Ama ta do to. Am ori o abnekan na sira akma ney anak.

Yowani 3:3

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Yowani 3:4

Maniring si Niketemo ji Yeso am, “Makongo so wanjin o rarakeh rana mangay pa matazak a tao. Manngwa, meysinaoli pa malikey ahanasen da?”

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

1 Kedinto 15:50

Manga kakteh, o ko ipanci am o kataotao ta sicyaikwaya am ji macikaop do italamozong na ni Ama ta do to no makwa, ta mawakwak o kataotao ta do teyrahem eya.

1 Kedinto 2:12

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

Ivoso 5:26

O na peyvazayan jyaten ni Kizisto am na toda ji ngamoga jyaten a yaponged na ni Ama ta do to. Nivonas na o raraten ta a kayavayo na so onowned ta, do yata kahap so ciriciring na.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.

1 Yowani 2:29

Katenngan nyo o kabo no kararatan ni Kizisto. O tao rana abo so karatan a mangozay do nanao ni Ama ta do to am manoyong a anak ni Ama ta do to.

1 Yowani 5:1

O tao rana omanoyong ji Yeso Kizisto a Misayya am manoyong o akman sang a anak na ni Ama ta do to. O tao a omraralay ni Ama ta do to am akman sang a marilaw no akma ney kakteh do cinai, ta meyyangangay sira anak na ni Ama ta do to.