Yowani 3:2 - Seysyo No Tao

² Ipisa kahep na am mangay ji Yeso. Maniring jya am, “Mo Mangnanao, namen katenngan imo a mangnanao a nitovoy ni Ama ta do to a yamangnanao so tao. No yabo si Ama ta do to a yasomidong jimo a meyvazay a mapatwaw so kayapo mo jya am abo tao a makapeyvazay sya.”

Yowani 3:2 ပူးပေါင်းရင်းမြစ်များ

Matay 22:16

Meyratateng am mapahanhan sira so macinanao jira tao a macihza do macikagom ji Helote a tao a mangay ji Yeso. Maniring sira jya am, “Mo Mangnanao, namen katenngan imo a yaji mangalalas a tao. Ka ji mapeypilipili so tao no jyangowa Ciriciring na ni Ama ta do to.

Matay 23:7

Ikakza da o kararalay da nira no tao do karwarwan no tao. Ikakza da o kapanci da nira a mangnanao.

Matay 23:8

Am ji nyo akzan o kapanci da ninyo a mangnanao. Ta sira rana kadwan jinyo am akma nyoy kakteh do cinai sira. Yasa saon o yamanoyong a Sinsi nyo am.

Make 12:14

Maniring sira ji Yeso am, “Mo Mangnanao, namen katenngan imo a yaji mangalalas a tao. Namen katenngan imo a yamapeyyangangay so tao a nanawen, do mo kapeylimwang no ciriciring na ni Ama ta do to. Am pancyan pala jyamen. Manngwa, apya do iwawalam ta o katoro ta do panirsirngen no Loma si Kaysa an? Manngwa, tomoro namen an? No ji namen noro.”

Yowani 1:38

Meyvazingowngaw si Yeso am to na cita o rarwa ka tao a macilolo jya. Maniring jira am, “Ikongo nyo kakzeben.” Maniring sira am, “Do wanjin o vahay mo, mo Lapi.” (O peypeypangayan no Lapi am Mangnanao so tao.)

Yowani 10:38

Am tana ji nyo nganoyngi yaken am anoyngan nyo o vazay ko an. Ta ori o ipakateneng nyo ji Ama yamacikaop jyaken. Ta yako macikaop jya.”

Yowani 12:37

Tana aro o yongkad na apo ji Ama ta do to am ji da nganoyngi si Yeso.

Yowani 14:10

Manngwa, mo anoyngan yaken, mo Veydipo an? Do ko kapacikaop ji Ama a na kapacikaop jyaken ni Ama? O ciring ko jinyo am beken a yapo jyaken. So na icyakman sang no vazay ko. Ta vazay na ori ni Ama a yamacikaop jyaken.

Yowani 15:24

No ji ko nimeyvazay so ji da pa nimapeyvazay no tao do tangain da am abo raraten da. Am da kanimakacita rana sya so vazay ko. Am da kapacioya jyaken a kani Ama.

Yowani 2:11

Oya rana am ney manma na vazay ni Yeso a yongkad no kayapo na ji Ama ta do to. Ori rana am mina vazay na ori ni Yeso do Cyana do Cyadidi. O vazay rana ya am ipacita na o admadmay na do tao. Nimacipinda do dang o nyanoyngan da rana jya no macinanao jya.

Yowani 20:16

Maniring si Yeso am, “Mo Madiya.” Citahen na ni Madiya am sirsirngen na no izezyak da no Sipolay. Maniring am, “Laponi!” O peypeypangayan na am, “Mangnanao.”

Yowani 3:26

Maniring sira ji Yowani am, “Mo pa manakem, mo Mangnanao, o mina kararay mo do Yotan a ayo asyo, a ipeylimwang mo so ngaran asyo? Ta iya rana am yamanaktak sicyaikwaya. Da karo no tao a yamangay komala sya.”

Yowani 4:31

Meyratateng am gacigatan da si Yeso no macinanao jya a omoran do velek na.

Yowani 5:36

Am patwawen ko pala o makdekdeng pa vazay ko a kano mina ciring ni Yowani. O vazay rana ori am nitoro na jyaken ni Ama a pakavosen ko. O vazay rana ori am yongkad ko ori a nitovoy ni Ama.

Yowani 6:2

Macita da no aro a tao si Yeso a nimangiwakwak so tao am onotan da.

Yowani 7:31

Am amyan do aro a tao ang so omanoyong jya. Maniring sira am, “No si mai o Misayya am arwaro pa o peyvazain na vazay a yongkad no kayapo na ji Ama ta do to a kano tao eya?”

Yowani 9:16

Maniring o tatasa ka tao a macyagom do Vadisay am, “O yanimapeyvazay so sang a tao am jyabo na kanimapo ji Ama ta do to a. Ta ikongo na ji mangozai do nanao do ipeywalam no tao.” Am maniring sira o karwan da am, “O meyraraten a tao am ikongo na to mapeyvazai so yamapeyzokab a vazay.” Am ori o peyhatay da so onowned a ji macipaswasovoy.

Nimlivolivon 10:38

Nioyatan na no Seyzi si Yeso a tao do Nasale. So nilivolivon na mangiwakwak so meykeyngeyngen a tao a mamozwaw so kalamsoyan ni Satan a komovot do tao, do kapacikaop na jya ni Ama ta do to.

Nimlivolivon 2:22

Maniring pa si Pite am, “Inyo rana Isedi a tao a keylyan ko am amizngen nyo o ciring ko an. Ta si Yeso rana tao do Nasale am nitovoy na ni Ama ta do to. Oyowyat na kano mapeyzokab a vazay na rana ni Yeso am yongkad na ori do mina katovoy na sya ni Ama ta do to. So nyo ipakateneng do akman sang a vazay. Ta mina vazay na ya do tangain nyo an.

Veydipi 1:14

Ta yada ikowyowyat so nakenakem ji Ama ta do to no akma tey kakteh do cinai a yajyanyahey a meylimwang no ciriciring na ni Ama ta do to.