Yowani 2:4 - Seysyo No Tao

⁴ Maniring si Yeso am, “Mo ina, ji mo to gacigaci yaken an. Ta beken pa ya araraw na no yako ipeyvazay.”

Yowani 2:4 ပူးပေါင်းရင်းမြစ်များ

Matay 15:28

Maniring si Yeso am, “Mo kavakes, yatey arako o nakenakem mo si Ama ta do to. So to na rana mangononongi no mo kakdain ang.” So nikapya na rana no anak na no kapanci na nya ni Yeso.

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Locya 2:49

Maniring si Yeso jira am, “Ikongo nyo kalan jyaken. Yanyo jyatenngi yaken a yameyvazay so vazay ni Ama do vahay na?”

Yowani 12:23

Maniring si Yeso am, “Yarana makaranes o araraw no ikazway no Nipamnekan na ni Ama ta to a tao.

Yowani 13:1

Kasaraw pa kapamaring da na so kanen do ngaranan da Iyeci am katenngan na rana ni Yeso o kakeykai na rana meysinaoli ji Ama na do to. Na tey karilaw o omanoyong jya tao do karawan. Tana marateng rana o ikawakwak na am ji namtadan o karilaw na nira.

Yowani 2:3

Ikongo do nimagid rana o yopen da potaw cyo, am ori o nipancyan na ni ina na ji Yeso so, “Apya sira ito a yabo rana so yopen.”

Yowani 20:13

Maniring sira ji Madiya am, “Ikongo mo ilavi.” Maniring si Madiya am, “Da nyahap o kataotao na ni Yeso a Panirsirngen ko. Ko jyatenngi o yada nipangayan sya.”

Yowani 20:15

Maniring si Yeso jya am, “Ikongo mo ilavi. Sino mo kalahen.” Manakenakem si Madiya am, “Ala iya o yatomalamozong no peymowamowan eya.” Am ori o nipancyan na nya jya so, “No imo yanimapeylis so kataotao ni Yeso am pancyaney jyaken mo nipangayan sya, ta mangay ko hapen do jya.”

Yowani 7:30

Karahan am naknakmen da rakpen am abo tao a manapet jya, ta beken a araraw na pa no irakep da sya.

Yowani 7:6

Maniring jira si Yeso am, “Beken a araraw na pa ya no kapatwaw ko so vazay ko. Am inyo am apya jinyo.

Yowani 7:8

Angay kamo a mamaring so kanen. Jyabo kangay ko sicyaikwaya. Ta beken a araraw na pa ya no yangay ko.”

Yowani 8:20

O ciring rana ya am mina ciring ni Yeso do pangapangayan da so kingking da a kavangan do rako a panaralayan da. No kanang am abo tao a amrakep sya. Ta beken pa araw na no irakep da si Yeso.

2 Kedinto 5:16

Am ori o ji ta to mangozai do ahahapan ta sya a tomita so icyatatao ta. Tana akman so sang o nyahahapan ta si Kizisto no kakwa am cyaha, ta tamo na niblisan sicyaikwaya.