Yowani 2:21 - Seysyo No Tao

²¹ Am o paingan ni Yeso so ciring na am kataotao na.

Yowani 2:21 ပူးပေါင်းရင်းမြစ်များ

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 2:22

Mirwa mavyay si Yeso am manakem da na no macinanao jya o mina ciring na. Ori o nyanoyngan da na do Seysyo a kano ciring na ni Yeso.

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

Kelosi 1:19

Ta kakdain na ni Ama ta do to o Anak na macikto jya so kadmayan.

Kelosi 2:9

Ta yamanoyong o nakem na ni Ama ta do to a yarana nimacimalag ji Kizisto.

Sipolay 8:2

Iya rana am yamyan do yamanoyong a raralayan ni Ama ta do to do teyngato a mapasyasi nyaten ji Ama ta do to. Am o yana yanan am beken a nyamaog no tao, ta nyamaog ni Ama ta do to.