Yowani 17:9 - Seysyo No Tao

⁹ “Sira o ko ipeynozi. Ko ji meynozyan sira o tao a yaji nganoyong jyaken. Ta o yamo nitoro jyaken o yako ipeynozi, ta sira manoyong a yamonganay jimo.

Yowani 17:9 ပူးပေါင်းရင်းမြစ်များ

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Locya 23:34

Maniring si Yeso am, “Mo Ama, vonasen mo o raraten da no yamapadket jyaken a tao an. Ta da jyatenngi o vazay da jyaken.” Meyratateng am masipangoyongoyot sira o itaysang no Loma amvonong so mina ayob na ni Yeso.

Locya 8:34

Macita da no tomalamozong no kois am malalayo sira manci nya do aro a tao do ili a kano meyvahay do takey.

Yowani 14:16

Ipanci ko ji Ama a kapanta na ninyo so somidong jinyo a Seyzi, kato na rana meyyonongan a macikaop jinyo.

Yowani 17:2

Nitoro mo na o oyowyat jya a tomalamozong no tao do karawan. O icyakman na sang am itoro na o to meyyonong a ikavyay no pahad da no tao a nipamnekan mo a omanoyong jya.

Yowani 17:20

“Beken a sira ori o yako ipeynozi, ta yakman sang sira o yaomanam pa a yaomanoyong jyaken a yako ipeynozi. Ta amizngen da o ciring mo a da ipeylimwang.

Yowani 17:6

“Ko na nipeylimwang imo do aro a nipamnekan mo a tao do karawan. Sira manoyong a yamonganay jimo. Sira am mo nitoro jyaken. So da na ikanoyong a yaomonot do nanao mo.

Yowani 6:37

O pasngenen na jyaken ni Ama a tao am anoyngan da yaken a onotan. O mai jyaken a tao am ji ko likoji sira.

Yowani 6:39

O nakenakem no yanitomovoy jyaken am apzatan ko sira o nipamnekan na ni Ama ta do to a macikaop jyaken. Sira rana ori am avyain ko sira no marateng rana o araraw no kapeykapyapinpin na ni Ama ta do to so tao.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Sipolay 9:24

Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.