Yowani 17:4 - Seysyo No Tao

⁴ Ko na nipacita o azwazway mo do karawan. Ta ko na nipakavos o vazay a mo nitoro jyaken.

Yowani 17:4 ပူးပေါင်းရင်းမြစ်များ

Locya 22:37

Ko pa ciring jinyo am o ciriciring rana do Seysyo am, ‘Iya am da nipavilang do meyraraten a tao.’ O ciriciring rana ori am mangay do kataotao ko ori. Ta o nivatvatkan da ciriciring da jyaken am yamasasnad rana jyaken.”

Yowani 12:28

Mo Ama, inaoy si macita da no tao oyowyat mo.” Mina to ngyan so ciring apo do teyngato no kano nang. Maniring am, “Ko na nipatwaw o oyowyat ko. So pirwan ko paha mapatwaw sya.”

Yowani 14:13

No mapasyasi kamo a meyhanhan no ngaran ko am amizngen ko inyo. So ikanoyong no azwazway ni Ama ta do to a mangay tomwaw jyaken a Anak na.

Yowani 14:31

Am katenngan da no tao do karawan o ko kaglaw ni Ama, do yako kahap so makakaday a vazay a nipanci na jyaken ni Ama.” Meyratateng am maniring pa jira si Yeso am, “Mangay tamo na.

Yowani 15:10

No si pangozain nyo o nanao ko am manoyong kamo na mapeyyan sya do onowned nyo so pangangarilawan ko. Akman jyaken yaomonot do ciring na ni Ama a yamapeyyan sya do onowned ko so pangangarilawan na.

Yowani 19:28

Katenngan na rana ni Yeso o kanikomavos no makakaday a vazay na. Maniring am, “Ko mawaw.” O ikakman na sang am mangay mangononong o ciring do Seysyo.

Yowani 19:30

To na nahamtama ni Yeso. Maniring am, “Yarana nikomavos o vazay ko,” kalogod na rana a mazavat so inawan.

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 5:36

Am patwawen ko pala o makdekdeng pa vazay ko a kano mina ciring ni Yowani. O vazay rana ori am nitoro na jyaken ni Ama a pakavosen ko. O vazay rana ori am yongkad ko ori a nitovoy ni Ama.

Yowani 9:3

Maniring si Yeso am, “Beken a raraten na. Beken a inyapwan na o na ikavota. Ta peymatamatan da jya no tao so vazay na ni Ama ta do to do yamavota a tao eya.

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

2 Timotay 4:7

O vazay ko rana ji Ama ta do to a na nitoro jyaken am ko na nimamimin a nipateyka nipeyvazay. Akman so malalayo a tao a omtad rana malayo. So ko rana nimiminan so manoyong a nanao a nyahap.