Yowani 17:3 - Seysyo No Tao

³ O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Yowani 17:3 ပူးပေါင်းရင်းမြစ်များ

Make 9:37

“O tomaotao so kanakan eya no ngaran ko am yaken o taotawwen da. O tomaotao jyaken am beken a yakehen o taotawwen da, ta taotawwen da pa o yanimapahanhan jyaken a Tao do to.”

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Yowani 10:36

Am yaken rana am na nitovoy yaken ni Ama do teyrahem. Ko ipanci pa am Anak na yaken ni Ama ta do to. Ikongo nyo pancyan nyaken a yajyaninig ni Ama ta do to.

Yowani 11:42

Ko katenngan mo kapangday a yaomamizing so ciring ko. O ko peycirngan so sang am ko ipamizing so aro a tao a yamyan do katangked ko ito. Ta no si ori pa o anoyngan da jyaken a yamo nipahanhan do teyrahem.”

Yowani 14:26

O yasomidong jinyo a Seyzi am tovoin na jinyo ni Ama ta do to a kapalit ko a kananao na jinyo no makakaday a vazay a kapakanakem nyo na so mina ciring ko jinyo no kakwa.

Yowani 17:18

Ko tovoin sira a meylimwang nimo do karawan, akman jyaken a yamo nitovoy do karawan.

Yowani 17:21

Ko ipeynozi sira kakma dey yasaha, mo Ama. Inaoy si macikaop sira jyaten, akman jimo a ka nyaken a yakmey yasaha. Inaoy si akmey yasa sira. So ikanoyong da no tao do karawan a makateneng do kanitomovoy mo jyaken do teyrahem.

Yowani 17:23

Ko macikaop jira. Yaka macikaop jyaken a da kakmey yasa rana. So ikanoyong da rana no tao do karawan a makateneng jimo a marilaw no omanoyong jimo a tao. Akman jyaken a yamo ikaglaw a kapakateneng da rana no tao do karawan do kanitomovoy mo jyaken do teyrahem.

Yowani 17:25

Mo Ama do to a mapeyyangangay so tao, da pa jyatenngi imo no tao do karawan. Am ko imo katenngan. So da ikakman sang o nitoro mo jyaken a tao. Ta da katenngan o kanitomovoy mo jyaken do karawan.

Yowani 17:8

Ta ko ninanao sira o mo nitoro jyaken a nanao. Sira manoyong a yarana mahap sya. Da katenngan o yako kanoyong a yapo jimo. Da anoyngan o yamo kanitomovoy jyaken.

Yowani 3:17

Ta o nitovoyan na so Anak na do teyrahem am beken a pasingsingtan na o tao do teyrahem. Ta patazadangen na sira do teyngato.

Yowani 3:34

O nitovoy ni Ama ta do to o mapatwaw so ciriciring na ni Ama ta do to. Ta oyatan no Seyzi.

Yowani 5:44

Nyo ikeykakza pa o da kazwazway jinyo no kadwan jinyo. Nyo jyakzan o azwazway a yapo ji Ama ta do to. Ori o yanyo ji nganoyngi jyaken.

Yowani 6:57

Yamacikaop jyaken si Ama a yanitomovoy jyaken do teyrahem a yana yapwan no to meyyonong a ikavyay no pahad no tao. So icyakman da sang no koman so kataotao ko a macirapa jyaken so inawan.

Yowani 7:29

Ko katenngan si Ama ta do to, do yako kanimapo jya. So ika iya na no yanitomovoy jyaken.”

Yowani 8:19

Maniring sira am, “Wanjin na yanan ni Ama mo.” Maniring si Yeso am, “Nyo jyatenngi yaken a kani Ama. Ta no si katenngan nyo yaken am akman sang si Ama katenngan nyo.”

1 Kedinto 15:34

Paolin nyo o nakenakem nyo do kapyapyan. Paseykeden nyo na o kapeyraraten nyo. Yatatasa jinyo a yana ji makateneng ji Ama ta do to. O ko peycirngan sya am kapakateneng nyo do kanigan nyo.

1 Kedinto 8:4

Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Veydipi 3:10

Am ori o ko naknakman so ko kapakateneng ji Kizisto a kano arako a oyowyat na jyaken. Ta iya rana am tey mowyat, ta nimirwa a mavyay. Yako ikakza o ko kapacizanod jya so alalaw, akman sya ji rahet so kawakwak na.

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

2 Pite 1:2

Inaoy si itoro na ni Ama ta do to a kani Yeso a Panirsirngen ta o pangangarilawan na kano ikapiya no onowned nyo, do yanyo kanoyong a yarana makateneng ji Ama ta do to a kani Yeso Kizisto.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

2 Pite 1:8

Mamimin ori a ahapen nyo. Ta ori o iyan no peypeypangayan no kararalay nyo ni Kizisto, do kapakateneng nyo rana ji Yeso Kizisto a Panirsirngen ta.

1 Yowani 1:2

No kai na do teyrahem am manoyong o kanimakacita namen sya. Am ori o namen peylimwangan nya jinyo so to meyyonong a ikavyay no pahad ta. Ta iya o yapwan no to meyyonong a ikavyay no pahad ta, a nimacitovong ji Ama ta do to do teyngato a nimacikaop jyamen.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

1 Yowani 2:23

O ji nganoyong do Anak ni Ama ta do to am akman sang si Ama ta do to a ji da nganoyngi. Omanoyong do Anak ni Ama ta do to am akman sang si Ama ta do to a anoyngan da.

1 Yowani 4:6

Am yata rana macikaop ji Ama ta do to. Am sira rana yaomanoyong ji Ama ta do to a tao am da amizngen o ipeylimwang ta a nanao. Am sira rana yaji nganoyong jya am da ji ngamiznga yaten. Ori an o ipakateneng ta do manoyong a yanan no Seyzi na ni Ama ta do to a kano kabwan no Seyzi a mangalalas a tao.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.