Yowani 17:2 - Seysyo No Tao

² Nitoro mo na o oyowyat jya a tomalamozong no tao do karawan. O icyakman na sang am itoro na o to meyyonong a ikavyay no pahad da no tao a nipamnekan mo a omanoyong jya.

Yowani 17:2 ပူးပေါင်းရင်းမြစ်များ

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

Yowani 17:6

“Ko na nipeylimwang imo do aro a nipamnekan mo a tao do karawan. Sira manoyong a yamonganay jimo. Sira am mo nitoro jyaken. So da na ikanoyong a yaomonot do nanao mo.

Yowani 17:9

“Sira o ko ipeynozi. Ko ji meynozyan sira o tao a yaji nganoyong jyaken. Ta o yamo nitoro jyaken o yako ipeynozi, ta sira manoyong a yamonganay jimo.

Yowani 3:35

O Ama na am marilaw no Anak na. So na nitorwan no makakaday jya a italamozong na.

Yowani 4:14

Am o amyop so itoro ko a ranom am to sira meyyonong a ji rana awaw. O itoro ko jya ranom am akmey atbod do onowned na a komalangboy. So ikanoyong na makahap so to meyyonong a ikavyay no pahad na.”

Yowani 6:27

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Yowani 6:37

O pasngenen na jyaken ni Ama a tao am anoyngan da yaken a onotan. O mai jyaken a tao am ji ko likoji sira.

Yowani 6:39

O nakenakem no yanitomovoy jyaken am apzatan ko sira o nipamnekan na ni Ama ta do to a macikaop jyaken. Sira rana ori am avyain ko sira no marateng rana o araraw no kapeykapyapinpin na ni Ama ta do to so tao.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

1 Kedinto 15:25

Tana abo pa o akman sang a vazay am jyablis si Yeso Kizisto a Panirsirngen do yanam na pa ni Ama ta do to ambalinas so kavosoyan na.

Ivoso 1:20

nimapeyvangon si Yeso apo do heseb na. So na rana iyan do teyngato a yaomlisna do wanan na ni Ama ta do to,

Veydipi 2:10

Ori an, tana do teyngato a tana do teyrahem a tana mavyay a tao a tana nimawakwak rana am abwata o ji meylilitod do tangain na,

1 Timotay 1:16

Am kanikasi na nyaken ni Ama ta do to. Ta si Yeso Kizisto am manoyong a nimapapalit do nakenakem ko a meyraraten a tao. Na jyahaywan yaken a tey rako so raraten a tao. So ipakateneng da rana do pangangarilawan na ni Ama ta do to no manownowji amraralay nya tao, kapakahap da rana so to meyyonong a ikavyay no pahad da.

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.

1 Yowani 1:2

No kai na do teyrahem am manoyong o kanimakacita namen sya. Am ori o namen peylimwangan nya jinyo so to meyyonong a ikavyay no pahad ta. Ta iya o yapwan no to meyyonong a ikavyay no pahad ta, a nimacitovong ji Ama ta do to do teyngato a nimacikaop jyamen.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Yota 1:21

Ji nyo ngawawan do onowned nyo o pangangarilawan na ni Ama ta do to a meyhanhan ni Yeso Kizisto a Panirsirngen ta a marilaw ninyo a manta ninyo so to meyyonong a ikavyay no pahad nyo.