Yowani 16:3 - Seysyo No Tao

³ O ikakman da sang so vazay jinyo no tao am ji da tenngi si Ama ka nyaken.

Yowani 16:3 ပူးပေါင်းရင်းမြစ်များ

Locya 10:22

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.”

Yowani 15:21

Mamimin o akman sang a alalaw a mangay jinyo, do kamonganay nyo jyaken. Ta ji da tenngi o nimapahanhan jyaken.

Yowani 15:23

O macioya jyaken am macioya ji Ama.

Yowani 17:25

Mo Ama do to a mapeyyangangay so tao, da pa jyatenngi imo no tao do karawan. Am ko imo katenngan. So da ikakman sang o nitoro mo jyaken a tao. Ta da katenngan o kanitomovoy mo jyaken do karawan.

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Yowani 8:19

Maniring sira am, “Wanjin na yanan ni Ama mo.” Maniring si Yeso am, “Nyo jyatenngi yaken a kani Ama. Ta no si katenngan nyo yaken am akman sang si Ama katenngan nyo.”

Yowani 8:55

Iya rana am nyo jyatenngi. Am ko katenngan. No si ipanci ko o kaji ko makatenngan jya am akman ko jinyo ori a mangalalas. Am ko katenngan a yamahap so nanao na.

Nimlivolivon 3:17

“Am inyo rana manga keypong am nyo nizakat si Yeso. Am nyo jyatenngi ori a nitovoy na ni Ama ta do to. Tana panipanirsirngen nyo am akman sira so sang a ji makateneng jya.

1 Kedinto 2:8

O panipanirsirngen do karawan am abo jira o manoyong a makateneng do pamnemnekan na ni Ama ta do to. No nikatenngan da am jyabo kato da padketan so mazway a Panirsirngen ta do jyojika.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

1 Yowani 2:23

O ji nganoyong do Anak ni Ama ta do to am akman sang si Ama ta do to a ji da nganoyngi. Omanoyong do Anak ni Ama ta do to am akman sang si Ama ta do to a anoyngan da.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.

1 Yowani 4:8

O abo so pangangarilawan na am beken a anak ni Ama ta do to. Ta si Ama ta do to rana am yapwan no pangangarilawan.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.