Yowani 13:5 - Seysyo No Tao

⁵ Karahan am mapaglo so ranom do simingki a kaoyas na rana do ai no macinanao jya a kalinas na do ai da no veynget.

Yowani 13:5 ပူးပေါင်းရင်းမြစ်များ

Locya 7:38

a meytatanek do likod ni Yeso a omoton do ai na amlavi. So nipeyranap na no kaoo na do ai ni Yeso. Meyratateng am linasan na no avok na kahangno na so ai na kakoris na rana jya no mahangno a ipeykeykoris.

Locya 7:44

So nicittan na so mavakes a kapanci na nya ji Simong so, “Mo macita o mavakes eya? Am ko somdep do vahay nyo am mo ji nipanta yaken so ranom a pangoyowyasan ko. Am iya am yana nioyasan no kaoo na o ai ko a na kalinas jya no avok na.

Yowani 13:10

Maniring si Yeso am, “O nimarios rana tao am todamimin rana o kataotao na manownaw. Am ori o ika ai na rana no oyasan. Inyo rana am kamo manonownaw am beken a kamo todamimin.”

Yowani 13:6

Oyasan na o ai ni Simong Pite am maniring si Pite am, “Mo Panirsirngen, mo oyasan o ai ko?”

Yowani 13:8

Maniring si Pite am, “Ji ko amya imo a omoyas do ai ko.” Maniring si Yeso am, “No si ji ko ngoyasi o ai mo am ji ko imo abneka a macinanao jyaken.”

Yowani 19:34

Am asa ka itaysang no Loma o nisomobsob no cinalolot so tagtagzang ni Yeso a kavoyog no rala na kano aswasoy no kataotao na.

Nimlivolivon 22:16

Am ori o ji mo meypahahai. Peyvangon rana a kapamlis mo na so nakenakem. Tawagan mo o ngaran ni Yeso a omvonas so raraten mo a kataktak da jimo.’ Ori o ciring na jyaken ni Ananiya.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

Ivoso 5:26

O na peyvazayan jyaten ni Kizisto am na toda ji ngamoga jyaten a yaponged na ni Ama ta do to. Nivonas na o raraten ta a kayavayo na so onowned ta, do yata kahap so ciriciring na.

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

1 Yowani 1:7

Am no si amyan ta do kazngangan a akman si Ama ta do to am macikaop ta do akma tey kakteh do cinai a omraralay ni Ama ta do to. Ta o rala na ni Yeso Kizisto a Anak na ni Ama ta do to o amvonas so makakaday a raraten ta.

1 Yowani 5:6

O nimai do teyrahem a nitaktakan no ranom a nimvoyog so rala am si Yeso Kizisto. O ranom a kano rala na am yongkad no ka Misayya na. So icyakman na sang no Seyzi na ni Ama ta do to a macyanoyong jya. Ta o Seyzi rana am tey manoyong.

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Ipaziman 7:14

Maniring ko am, “Imo o makateneng jya.” Maniring jyaken am, “Sira rana am nimasapa da o rako a alalaw da no kakwa. Sira rana am nioyasan da no rala no Kagling o ayob da. So na ikalalavang rana no ayob da.