Yowani 11:4 - Seysyo No Tao

⁴ Maniring si Yeso do pakamizngan na sya am, “Jyabo kato na rana wakwakan ni Lasalo no ingingnen na ori a. O ikakman na sang am azwain si Ama ta do to a kapacyazway na no Anak na.”

Yowani 11:4 ပူးပေါင်းရင်းမြစ်များ

Yowani 10:38

Am tana ji nyo nganoyngi yaken am anoyngan nyo o vazay ko an. Ta ori o ipakateneng nyo ji Ama yamacikaop jyaken. Ta yako macikaop jya.”

Yowani 11:40

Maniring si Yeso jya am, “Nipanci ko na jimo asyo o, ‘No si anoyngan mo am macita mo o mapeyzokab a oyowyat ni Ama ta do to,’ kwan ko imo asyoo.”

Yowani 12:28

Mo Ama, inaoy si macita da no tao oyowyat mo.” Mina to ngyan so ciring apo do teyngato no kano nang. Maniring am, “Ko na nipatwaw o oyowyat ko. So pirwan ko paha mapatwaw sya.”

Yowani 17:1

Mateyka ni Yeso o ciring na am tangarahen na o hanit. Maniring am, “Mo Ama, oya rana o araraw. Azwazwain mo o Anak mo. So icyakman na sang no Anak mo a zomwazway jimo.

Yowani 17:10

O monganay jyaken a tao am yamamimin a monganay jimo. O monganay jimo a tao am yamonganay jyakehen. O azwazway ko am yada rana patwawen.

Yowani 17:5

Mo Ama, sicyaikwaya am itoro mo jyaken o azwazway mo do tangain mo. Paolin mo o azwazway ko no keyyan ko pa jimo do dang, no kaji na pa amaogan no karawan.

Yowani 2:11

Oya rana am ney manma na vazay ni Yeso a yongkad no kayapo na ji Ama ta do to. Ori rana am mina vazay na ori ni Yeso do Cyana do Cyadidi. O vazay rana ya am ipacita na o admadmay na do tao. Nimacipinda do dang o nyanoyngan da rana jya no macinanao jya.

Yowani 5:23

mangay kazwazway da jyaken no tao do karawan. Akman sang si Ama a azwazwain da. Am o to nazibo nyaken a Anak na ni Ama am akman sang si Ama a da to nazibwan.

Yowani 8:54

Maniring si Yeso am, “No si azwain ko o kataotao ko am abo peypeypangayan no akman sang a azwazway. O yazomwazway jyaken am si Ama a yanyo abneken a Tao nyo do to.

Yowani 9:24

Karahan am ipirwa sira mangay manci no nimapya so mata tao ang. Maniring sira jya am, “Ji ka mangononong so malas do tangain ni Ama ta do to. Ta namen katenngan na kapeyraraten a tao ni Yeso.”

Yowani 9:3

Maniring si Yeso am, “Beken a raraten na. Beken a inyapwan na o na ikavota. Ta peymatamatan da jya no tao so vazay na ni Ama ta do to do yamavota a tao eya.

Loma 11:11

Am o yako ipacici jinyo am manngwa, to sira na nakeb o tao do Yotay a ji na ngapa rana ni Ama ta do to? Jyabo kakman na sang a. Ta sicyaikwaya am na avyain o beken a tao do Yotay. So kaoyyan da nira ikeynanahet no tao do Yotay a kablis da rana so onowned da a omanoyong rana ji Ama ta do to.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.