Yowani 11:2 - Seysyo No Tao

² Si Madiya rana am iya o nimapaglo so mahangno a haneng do ai ni Yeso a kalinas na jya no avok na so ai ni Yeso. O meyngen a si Lasalo am kakteh na no nang.

Yowani 11:2 ပူးပေါင်းရင်းမြစ်များ

Make 14:3

Amyan si Yeso do Potani do vahay da da Simong a omlabyab so kolit no kakwa. Koman sira am mangai o asa ka mavakes so tagaw a kapnowan no masingat a mahangno a haneng. Karahan am aspin na o tagaw a kapaglo na sya do oo ni Yeso.

Locya 7:13

Macita na ni Yeso o vao a mavakes amlavi so onowned. Am ori o nikasyan na nya. Maniring jya am, “Ji ka lavi an.”

Locya 7:19

katovoy na sira mangay ji Yeso a manci no, “Manngwa, imo o nipanci ni Yowani a mai? No namen pa nanalahen.”

Yowani 11:21

Maniring si Marta ji Yeso am, “Mo Panirsirngen, no ka mina to ngyan do jya am jyabo na mina kawakwak a.

Yowani 11:3

O rarwa kakteh na am mapasonson sira so tao a mangay ji Yeso. Maniring sira am, “Mo Panirsirngen, yameyngen o ney malipetpet na jimo a kagagan mo.”

Yowani 11:32

Makaranes ji Yeso si Madiya am meylilitod do tangain na. Maniring am, “Mo Panirsirngen, no ka mina to ngyan do jya am jyabo na kanimawakwak no kakteh namen a.”

Yowani 12:3

Karahan am mangai si Madiya so mahangno a haneng. Ori rana am tey masingat ori. Karahan am to na rana mimina paglowen do ai ni Yeso a kalinas na jya no avok na. So nikahangno no sahad a yanan da.

Yowani 13:13

Kamo manoyong a manci nyaken a Mangnanao a Panirsirngen nyo. Manoyong ori.

Yowani 13:14

Yaken am Panirsirngen nyo, yamnanao jinyo a yaniomoyas do ai nyo. Akman kamo sang a omoyas do ai no kadwan jinyo.