Yowani 10:1 - Seysyo No Tao

¹ Maniring pa jira si Yeso am, “To ko na macitangayan jinyo am o jindep do aneb no amaot no kagling a kangay na meysopo jya am manakaw o akman sang.

Yowani 10:1 ပူးပေါင်းရင်းမြစ်များ

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Yowani 10:7

Am ori o nipancyan na nya jira. Maniring am, “To ko na macitangayan jinyo am yaken am akma koy asdesdepan do peyyamaotan so kagling.

Yowani 3:3

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Loma 10:15

No abo nitovoy na a tao am makongo so wanjin a meylimwang o ciriciring na. Ta maniring do Seysyo am, “Yatey yapya o da kapakaranes a yameylimwang no Mapasaray a Ciriciring na ni Ama ta do to.”

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Tito 1:11

Ji mo mamyapyan sira o akman sang a tao a meyzezyak an. Ta sira rana am da naknakmen o da kapangamkam so nizpi do icyatatao da. So na ikaro rana no tao do peykavakavahayan na nipeykaraherahet no malas a nanao da.

Sipolay 5:4

Abo o tao a mapasolib so kataotao na do panirsirngen no mapatanatanang so nakem da si Ama ta do to. Ta o nitenngan ni Ama ta do to o mangay do dang, akman so tao a meyngaran so Yalon.

1 Pite 1:10

Sira rana panoyonoywan na so ciring ni Ama ta do to a tao no kakwa am nimanakem da o kakala da so peypeypangayan no kapatazadang na so tao do teyngato ni Ama ta do to. So nipakalavatan da so sang a itoro na jinyo ni Ama ta do to.

2 Pite 2:1

No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.