Yowani 1:7 - Seysyo No Tao

⁷ Iya rana am ipanci na do tao o zezngang a kamimin no tao a makamizing sya kapanganoyong da rana.

Yowani 1:7 ပူးပေါင်းရင်းမြစ်များ

Yowani 1:12

Sira rana ji nazibo nya tao a kano omanoyong jya tao am abneken na sira akma ney anak ni Ama ta do to.

Yowani 1:15

Iya o ipeylimwang ni Yowani amlololos a manci no, “Iya o nimalavat ko na a manownowji pa a mai a ka nyaken. Am mahamahama pa ori ka nyaken. Ta amyan rana no kaji ko pa tazakan do karawan.”

Yowani 1:19

No kano nang am o meynakem a tao do Yotay do Yelosaleng am nimanovoy sira so mapatanatanang so nakem da si Ama ta do to a kano Diwey a tao a mangay a tomita si Yowani. Maniring sira jya am, “Sino ka ya.”

Yowani 1:36

Macita na si Yeso a meyhatay am maniring si Yowani am, “Iya rana am akmey kagling ni Ama ta do to.”

Yowani 1:9

O zezak rana am manoyong a zezngang apo do teyngato a tomiray so tao do karawan.

Nimlivolivon 19:4

Maniring si Pawlo am, “O nipanaktak na ni Yowani am yongkad da do mina kapamlis da rana so onowned. O nipanci na pa do Isedi a tao ni Yowani am, ‘Anoyngan nyo o yamanownowjyan pa ka nyaken a yamai a meyngaran si Yeso.’ ”

Cyalatay 3:26

Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

Ivoso 3:9

Na nipanta yaken so oyowyat ko a somidong so tao do karawan a makateneng do pamnemnekan na ni Ama ta do to a nimangamaog so karawan. Ta no kakwa pa am abo pa makateneng jya tao.

1 Timotay 2:4

Ta na ikakza o na kasidong so tao do karawan, kapakateneng da do manoyong a nanao.

Tito 2:11

Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.