Yowani 1:4 - Seysyo No Tao

⁴ O Ciring ni Ama ta do to am ori o yapwan no inawan no tao. O inawan rana am zezngang a ikavyay no tao.

Yowani 1:4 ပူးပေါင်းရင်းမြစ်များ

Matay 4:16

o amyan do yakasarisaryan a manyahey no kawakwak da am macita da rana o na cirain ni Ama ta do to a mapatazadang sira.”

Locya 2:32

Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”

Yowani 11:25

Maniring si Yeso am, “Yaken o mapeyvangon so nimawakwak a tao. Yaken o yapwan no inawan no tao. Tana nimawakwak rana sira o omanoyong jyaken am mirwa pa sira mavyay.

Yowani 12:35

Maniring si Yeso am, “Alikey o iyan na jinyo no zezak. Makabezbez kamo a omalam do iyan na pa no zezak. Ta no masari rana am ji nyo na cita o pangonongan nyo.

Yowani 12:46

Akma koy zezak a mai do teyrahem. So ji da na ngyani do kasarisaryan no omanoyong jyaken a tao.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Yowani 3:19

O Anak ni Ama ta do to am akmey zezak a nimai do teyrahem a amzezak so tao do karawan. Am ji dakzan no tao o kazngangan, ta ikeykakza da pa o kasarisaryan. Ta meyraraten pa sira. Ori o peypeypangayan no na pancyan nira a meyraraten.

Yowani 5:21

O vazay na ni Ama mapeyvangon so nimawakwak a tao am akman ko sang a to mangozay do nakenakem ko a omvyay so tao.

Yowani 5:26

Si Ama ta do to o yapwan no to meyyonong a ikavyay no pahad no tao. So icyakman na sang no Anak na.

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Yowani 9:5

No keyyan ko pa do teyrahem eya am zezak nyo yaken a tao do karawan.”

Nimlivolivon 26:23

Ta o nipeylimwang da da Moyse am manoyong keyyan no alalaw ni Kizisto a wakwaken da. So ika iya na no ney manma na a nimirwa a mavyay. Ta iya o mapatazadang jyaten a tao do Yotay a kano beken a tao do Yotay.”

1 Kedinto 15:45

Ta maniring do Seysyo am, “Si Adam am tao kamamaogan na.” Am o ipanci a manowji a Adam am si Kizisto a manta nyaten so to meyyonong a ikavyay no pahad ta.

Ivoso 5:14

Am ori o pancyan da nya, “Kayokay rana yamitkeh a tao. Pamlis kamo na, yapa meyraraten. Ta cirain na inyo ni Kizisto.”

Kelosi 3:4

Si Yeso Kizisto rana am yapwan no to meyyonong a ikavyay no pahad nyo. Si mirwa mai si Yeso am ipanta na inyo so vayo a kataotao nyo a pazanoden do azwazway na.

1 Yowani 1:1

Namen padketen do teygami eya o Ciring a yapwan no to meyyonong a ikavyay no pahad. Ori rana am Ciring na ni Ama ta do to a nimeycicinda a nimyan no kakwa. Nimamizing namen rana o ciring na. Nimacita namen rana ori. So na ikanoyong no kanimakacita namen sya do kanimacihza namen jya no keyyan na do teyrahem. Iya rana am si Yeso Kizisto.

1 Yowani 1:2

No kai na do teyrahem am manoyong o kanimakacita namen sya. Am ori o namen peylimwangan nya jinyo so to meyyonong a ikavyay no pahad ta. Ta iya o yapwan no to meyyonong a ikavyay no pahad ta, a nimacitovong ji Ama ta do to do teyngato a nimacikaop jyamen.

1 Yowani 5:11

O ciring rana nipeylimwang na ni Ama ta do to am nitoro na rana jyaten o to meyyonong a ikavyay no pahad ta. Am o yapwan na no nang am Anak na ni Ama ta do to.

Ipaziman 22:1

Makarahan am ipacita na pa jyaken no tinsi o asa ka ayo a yapwan no to meyyonong a ikavyay no pahad a to meylacilat a akma raney panganinwan a apo do lilisnan ni Ama ta do to a kano Kagling.

Ipaziman 22:16

“Yaken rana am si Yeso ko. Nimanovoy ko so lamlamsoy ko a tinsi a meylimwang nya jinyo so vazay eya do peycyakyokyokayan na. Yaken rana am sivovoong na yaken ni Tawey. Yaken rana am akmey karow a mata no hanit.”