Yowani 1:1 - Seysyo No Tao

¹ No kaji na pa amaogan no karawan am amyan rana o Ciring ni Ama ta do to. O Ciring rana am macilovot ji Ama ta do to. O Ciring am manoyong a Tao do to.

Yowani 1:1 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Locya 24:53

So nikasangib da rana do rako a panaralayan a omazwazway si Ama ta do to.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:18

Abo pa o tao a nimakacita si Ama ta do to. O Anak na yamacikto ji Ama ta do to a yamlisna do katangked na am ori o nipakateneng ta ji Ama ta do to.

Yowani 1:2

Nimakalapo no kakwa o kapacilovot no Ciring eya ji Ama ta do to.

Yowani 16:28

Ko apo ji Ama ta do to a yanimai do teyrahem. Sicyaikwa rana ya am ko na karwan o karawan a yamangay rana ji Ama ta do to.”

Yowani 17:5

Mo Ama, sicyaikwaya am itoro mo jyaken o azwazway mo do tangain mo. Paolin mo o azwazway ko no keyyan ko pa jimo do dang, no kaji na pa amaogan no karawan.

Yowani 20:28

Maniring si Tomase ji Yeso am, “Mo Panirsirngen a Tao do to ko.”

Yowani 8:58

Maniring si Yeso am, “To ko na macitangayan jinyo am ji pa nimatazak a tao si Apolahan am amyan ko rana.”

Loma 9:5

Sira rana am sivosivovoong da sira no katenngan a ineynapo namen no kakwa. So ipacitetngehan na jira ni Kizisto. Am si Kizisto rana am makarakarang pa kano meycyamadadayan. So ikanoyong na paingan ta so ciring a Tao do to. Amin.

Ivoso 3:9

Na nipanta yaken so oyowyat ko a somidong so tao do karawan a makateneng do pamnemnekan na ni Ama ta do to a nimangamaog so karawan. Ta no kakwa pa am abo pa makateneng jya tao.

Veydipi 2:6

Ta si Yeso rana am Tao do to. Am na jyangai no nakem o kapeyyangay da kani Ama na a Tao do to.

Kelosi 1:15

Si Kizisto rana am akma ney kamamagenan ni Ama ta do to. So na ikanoyong ney manhama na do makakaday a nyamamaog na.

Kelosi 1:17

Jya nimamaog pa o makakaday am amyan rana si Kizisto. So ika iya na no tomalamozong no yamakakaday.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 13:8

Ta si Yeso Kizisto rana am tana no kakyab a tana sicyaraw eya a tana todangay no makwa am yajyablis.

Sipolay 7:3

Si Mocisete rana am abo do vakong o domket a ngaran no ama na kano ina na. So icyakman da sang no iteytetngehan da. So ji da nimapadkeci so araraw no cinatazak na kano cinawakwak na. So icyakma dey meyyangay a kano Anak ni Ama ta do to a mapatanatanang so nakem a mangay do kaidan no karawan.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

1 Yowani 5:7

Meykatlo o macyanoyong jya.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.

Ipaziman 1:2

Meyratateng am padketen na rana ni Yowani do vakong o nimacita na aro a vazay. Ori rana am nipatwaw ni Yeso Kizisto a ciriciring a apo ji Ama ta do to.

Ipaziman 1:8

Maniring si Ama ta do to a Panirsirngen ta am, “Yaken am Aarva kano Yamicya a nikapwan na kano pangavosan na no aro a vazay eya.” Ta si Ama ta do to rana am jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan.

Ipaziman 19:13

O ayob na magorogod am maday a rala. O ingaran da jya am Ciring na ni Ama ta do to.

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am:

Ipaziman 21:6

Maniring pa jyaken am, “Yarana nikomavos. Yaken rana am Aarva kano Yamicya. Yaken rana am nikapwan na kano pangavosan na. No myan so mawaw am itoro ko o atbod a yopen na a yapwan no to meyyonong a ikavyay no pahad na. Am ori rana am abo ngina na.

Ipaziman 22:13

Yaken rana am Aarva kano Yamicya. Yaken rana am nikapwan na kano pangavosan na.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am: