Yota 1:9 - Seysyo No Tao

⁹ Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”

Yota 1:9 ပူးပေါင်းရင်းမြစ်များ

Make 15:29

O meyhatay do dang a tao am to da ligaligana o oo da mapasnesnek si Yeso. Maniring sira am, “Ka jyapya yamanci no kakavakava mo so rako a panaralayan a kapakatlo na araw no ipatnek mo sya.

1 Tesalonicya 4:16

Ta no si marateng rana o araraw no nang am meygegcin si Yeso a tomawag jyaten a keyyan no panirsirngen no tinsi a manci nyaten. No mamizing ta o zapa do teyngato a ipatao na jyaten ni Ama ta do to am o niomanoyong ji Kizisto a nimawakwak rana tao am manomanoma sira mirwa a mavyay.

1 Pite 3:9

Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.

2 Pite 2:11

Kakwakwan da no tinsi arakorako pa so oyowyat a ka nira am ji dadkeci sira rehrehten no ciriciring da do tangain na ni Ama ta do to.

Ipaziman 12:7

Karahan am meyyarap sira do teyngato. O meyngaran so Micyale a tinsi a kano kararay na tinsi am macyarap do kamolay a kapalolo na no kamolay so kalamsoyan na macyarap jira.