Yota 1:8 - Seysyo No Tao

⁸ O yamalas so ipangnanao a tao am akman sira so sang. Ta da to mangozangozai o aktokto da yamapasagpyan so kataotao da. Da kolalahen o oyowyat na ni Ama ta do to. Da ipeyzozominyak o tinsi do teyngato.

Yota 1:8 ပူးပေါင်းရင်းမြစ်များ

Locya 11:25

Meysinaoli am macita na o tao ang a makownong rana jya. Ta abo nimacipalit a nikomovot jya.

Locya 12:11

“Tana rakpen da inyo a yangay do peyneynozyan a kangay da ninyo a pacicin do tangain no panipanirsirngen am ji nyo alawan o ipasapa nyo jira an.

Locya 19:14

Ikongo do pacioyyan da ori no keylyan da, am ori o nipanovoy da so tao a mangay manci nya do rako a panirsirngen da so kaji dakzan nya a panirsirngen da.

Nimlivolivon 23:5

Maniring si Pawlo am, “Manga kakteh, no ko nikatenngan ori a panirsirngen no mapatanatanang so nakem si Ama ta do to am ko jya nioya. Ta o ciring do Seysyo am, ‘Ji nyo ngavaya o panirsirngen nyo.’ ”

Nimlivolivon 7:27

Am o mapeymetdeh so kararay na am nimapadondon si Moyse. Maniring jya am, ‘Sino nimanci nimo a yamyokod nyamen.

Nimlivolivon 7:39

“Am ji da nyamizing si Moyse no ineynapo ta, ta manakem da o kapeysinaoli da pa do Ayci.

1 Kedinto 3:17

Am ori an, no si amyan so tao a mapeykaraherahet so kataotao na a na pacikaopan ni Ama ta do to am jyabo kaji na patovilan jya. Ta o pacikaopan ni Ama ta do to a tao am abo karatan na. Inyo rana am yamyan jinyo si Ama ta do to.

1 Tesalonicya 4:8

O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.

1 Timotay 1:10

mangzakza so icyatatao, mangzakza so kehngehngay na so kolit, manakaw so kanakan, manlita, mangononong so malas, jyanoyong so ipanci do pacicicyan a kano mapasala do manoyong a nanao.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

1 Pite 2:17

Ikanig nyo o kadwan jinyo. Ikarilaw nyo sira o akma nyoy kakteh do cinai. Panadnaden nyo si Ama ta do to. Ikanig nyo sira o makayokod ninyo a tao.