Yota 1:7 - Seysyo No Tao

⁷ Naknakmen nyo o tao a yameyvahay do Sotoma kado Hamola kano yamacitangked do dang so ili a tao a yamapasala so aktokto da a yamapeyvazay so macimasesnek a vazay. So ikanoyong no jyahesep a lila no apoy a nimangay meydedna jira. O akman rana sang a vazay am ikananao da rana ori no meyraraten a tao.

Yota 1:7 ပူးပေါင်းရင်းမြစ်များ

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Matay 11:24

Am ko pa ciring jinyo am no marateng o araraw na no peyoyaoyyan na ni Ama ta do to am makdekdeng pa o oyaoyyan na ninyo a kano nipasingsingkad na so tao do Sotoma no kakwa pa.”

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Locya 17:29

Marateng o araw no ikaro na ni Lote do Sotoma am pakasen na rana ni Ama ta do to o apoy a kano makwat a vato a kamimin da nimaliman.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

2 Tesalonicya 1:7

Inyo rana a yakman jyamen a da peyrarehten am ji kamo alaw, ta balinasen na rana ni Ama ta do to o alalaw ta no si mai si Yeso a Panirsirngen ta a meygegcin apo do teyngato a maciralay do apoy a kano aro a mowyat a tinsi. So ikanoyong no ji nganoyong jya tao a kano ji ngamizing so Mapasaray a Ciriciring na ni Yeso a Panirsirngen ta a ioya na.

2 Pite 2:2

Tana somagpyan sira am amyan so aro a tao a macilolo jira a mapasagpyan so nakenakem da. So ikanoyong no nanao na ni Ama ta do to a pasagsagpyanen da no tao.

2 Pite 2:6

Nibalinas na ni Ama ta do to o tao do adwa ka ili a meyngaran so Sotoma kano Hamola. Ori o nipakasan na so apoy a itemtem na sira a ipacita na so ji manganwanoyong a tao.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.